Reliance Jio 5G 2021 பொதுக் கூட்டத்தில் Jio 5G Phone, ஜியோபுக் லேப்டாப் அறிமுகப்படுத்தலாம்!

Reliance AGM 2021: ஜூன் 24 ஆம் தேதி நடைபெறும் நிகழ்வில் குறைத்த விலை ஜியோபுக் லேப்டாப்பையும் (JioBook Laptop) , இந்தியாவில் 5 ஜி நெட்வொர்க் இணைப்பு திட்டத்தையும் (5G network connectivity in India) அறிமுகப்படுத்தும் என்று எதிர்பார்க்கப்படுகிறது.

Reliance AGM 2021: ரிலையன்ஸ் இண்டஸ்ட்ரீஸ் தனது 44 வது ஆண்டு பொதுக்கூட்டம் (Reliance AGM 2021) ஜூன் 24 ஆம் தேதி நடைபெறும் என உறுதிப்படுத்தியுள்ளது. கூகுள் மற்றும் ஜியோ நிறுவனங்கள் கூட்டணியில் உருவாகி வரும் ஜியோ 5 ஜி தொலைபேசியை ரிலையன்ஸ் ஏஜிஎம் 2021 நிகழ்ச்சியின் போது வெளியிடும் என்று எதிர்பார்க்கப்படுகிறது.

இந்நிறுவனம் ஜூன் 24 ஆம் தேதி நடைபெறும் நிகழ்வில் குறைத்த விலை ஜியோபுக் லேப்டாப்பையும் (JioBook Laptop), இந்தியாவில் 5 ஜி நெட்வொர்க் இணைப்பு திட்டத்தையும் (5G network connectivity in India) அறிமுகப்படுத்தும் என்று எதிர்பார்க்கப்படுகிறது.

ரிலையன்ஸ் ஏஜிஎம் 2021 ஜூன் 24 மதியம் 2 மணிக்கு நடைபெற உள்ளது. இது ரிலையன்ஸ் இண்டஸ்ட்ரீஸ் (Reliance Industries) பங்குச் சந்தைகளுக்கு அனுப்பிய கடிதத்தின் மூலம் தெரியவந்துள்ளது.

இந்த நிகழ்வு ரிலையன்ஸ் நிறுவனத்தின் அனைத்து பங்குதாரர்களுக்கும் ஜியோமீட் மூலம் நேரடியாக ஒளிபரப்பப்படும் என்றும் நிறுவனம் தெரிவித்துள்ளது. யூடியூபில் நேரடியாக பொது மக்கள் இந்த நிகழ்வைக் காணலாம்.

ஜியோ 5 ஜி தொலைபேசி வெளியீடும் தேதி, அதன் விவரக்குறிப்பு மற்றும் விலை

ஜியோ 5 ஜி தொலைபேசி ஜூன் 24 ஆம் தேதி ஏஜிஎம் நிகழ்வில் அறிமுகப்படுத்தப்படும் என்று எதிர்பார்க்கப்படுகிறது. ரிலையன்ஸ் கூகுள் நிறுவனத்துடன் இணைந்து இந்திய வாடிக்கையாளர்களுக்கு மலிவு விலையில் 5 ஜி ஸ்மார்ட்போனை கொண்டு வருகிறது. 

இந்த போனின் அம்சங்களைப் பொறுத்தவரை, வரவிருக்கும் ஜியோபோன் குவால்காம் 4 எக்ஸ் தொடர் (Qualcomm 4xx series) அல்லது குறைந்த விலை மீடியா டெக் 5 ஜி சிப்செட் (MediaTek 5G chipset) மூலம் இயக்கப்படுகிறது என்று கூறப்படுகிறது.

புதிய ஜியோபோன் ஆண்ட்ராய்டு அடிப்படையிலான முறையில் இயங்கக்கூடும். இந்த இயக்கமுறையை JioOS என அழைக்கப்படும் என்று எதிர்பார்க்கப்படுகிறது.

ஜியோ 5 ஜி தொலைபேசி பெரும்பாலும் தற்போதைய ஜியோபோன் பதிப்புகளைப் போலவே இருக்கும்.

இருப்பினும், ஜியோ 5 ஜி தொலைபேசியின் முழு விவரங்கள் இதுவரை வெளியிடப்படவில்லை. 

இணையத்தில் லீக் ஆன விவரங்களை வைத்து பார்க்கும் போது 5 ஜி ஜியோ தொலைபேசி ரூ .2500 விலையில் கிடைக்கலாம். 

ஜியோ 5 ஜி தொலைபேசியைத் (Jio 5G Phone) தவிர, ரிலையன்ஸ் ஜியோ தனது 5 ஜி நெட்வொர்க்கை நாட்டில் அறிமுகப்படுத்துவதற்கான திட்டங்கள் குறித்தும் அறிவிப்பு இருக்கும் எனத் தெரிகிறது. 

2021 ஆம் ஆண்டின் இரண்டாம் பாதியில் இந்தியாவில் ஜியோ 5 ஜி சேவைகள் தொடங்கும் என்று ரிலையன்ஸ் இண்டஸ்ட்ரீஸ் தலைவர் முகேஷ் அம்பானி (Mukesh Ambani) கடந்த டிசம்பரில் தெரிவித்தார் என்பது குறிப்பிடத்தக்கது.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, இப்போதே ஜீ இந்துஸ்தான் பயன்பாட்டைப் பதிவிறக்குங்கள்.

Android Link: https://bit.ly/3hDyh4G

Apple Link: https://apple.co/3loQYeR