அறிமுகமானது Oppo Reno 7 Series! புதிய இயர்பட்களும் அறிமுகம்! விலை இவ்வளவு தானா?

மிகவும் எதிர்பார்க்கப்பட்ட Oppo Reno 7 சீரிஸ் அறிமுகமானது. புதிய இயர்பட்களும் அறிமுகப்படுத்தப்பட்டன.

Written by - ZEE TAMIL NEWS | Last Updated : Nov 26, 2021, 12:59 PM IST
  • Oppo Reno 7 சீரிஸ் அறிமுகமானது
  • புதிய இயர்பட்களும் அறிமுகம்!
  • அடுத்த மாதம் முதல் சீனாவில் விற்பனைக்கு வரும்
அறிமுகமானது Oppo Reno 7 Series!  புதிய இயர்பட்களும் அறிமுகம்! விலை இவ்வளவு தானா? title=

வியாழக்கிழமை (நவம்பர் 25, 2021) அன்று அறிமுகப்படுத்தப்பட்ட Oppo Reno 7 தொடரில், Oppo Reno 7 5G, Oppo Reno 7 Pro 5G மற்றும் Reno 7 SE 5G ஆகியவை இடம்பெற்றுள்ளன. மூன்று போன்களும் பஞ்ச்-ஹோல் வடிவமைப்புடன் AMOLED டிஸ்ப்ளேவுடன் வருகின்றன.

து கிரேடியன்ட் பின் பூச்சு கொண்ட இந்த சீரீஸ், சமீபத்திய ஐபோன் மாடல்களைப் போலவே, பிளாட் எட்ஜ் பிரேம்களைக் கொண்டுள்ளன. இந்த தொடருடன், Oppo என்கோ ஃப்ரீ 2i உண்மையான வயர்லெஸ் ஸ்டீரியோ (TWS) இயர்பட்களையும் வெளியிட்டது.

Oppo Reno 7 5G இன் விலை 8GB RAM + 128GB சேமிப்பக மாறுபாட்டிற்கு தோராயமாக ரூ. 31,500 ஆகும். 8GB+256GB சேமிப்பக விருப்பத்திலும் கிடைக்கும் இதன் விலை தோராயமாக ரூ. 35,000 மற்றும் அதன் மேல் மாடல் 12GB+256GB சேமிப்பகத்தின் விலை தோராயமாக ரூ. 38,500.

அதே நேரத்தில், Oppo Reno 7 Pro 5Gயின் விலை 8GB+256GB மாடலின் விலை  43,200 ரூபாயில் தொடங்குகிறது. தொலைபேசியின் 12ஜிபி + 256ஜிபி சேமிப்பக விருப்பமும் உள்ளது, இதன் விலை தோராயமாக ரூ. 46,700 ஆகும். மேலும் Oppo Reno 7 SE 5G ஆனது 8GB+128GB வகை போனின் விலை 25,700 ரூபாய் மற்றும் 8GB+256GB மாடலின் விலை 28,000 என நிர்ணயம் செய்யப்பட்டுள்ளது.

Oppo Reno 7 5G மற்றும் Oppo Reno 7 Pro 5G ஆகியவை டிசம்பர் 3 முதல் சீனாவில் விற்பனையாகும்.  Reno 7 SE 5G டிசம்பர் 17 முதல் வாங்குவதற்கு கிடைக்கும். இந்த போன்கள் மார்னிங் கோல்ட், ஸ்டார் ரெயின் விஷ் மற்றும் ஸ்டாரி நைட் பிளாக் வண்ண விருப்பங்களில் வருகின்றன. Oppo Reno 7 தொடரின் உலகளாவிய வெளியீடு பற்றிய விவரங்கள் இன்னும் வெளியிடப்படவில்லை.

ALSO READ | அட்டகாசமான அம்சங்களுடன் அசத்தல் விலையில் மின்சார ஸ்கூட்டர்கள் 

Oppo Reno 7 5G இன் விவரக்குறிப்புகள்
டூயல் சிம் (நானோ) ஆதரிக்கும் Oppo Reno 7 5G ஆனது Android 11 அடிப்படையிலான ColorOS 12 இல் இயங்குகிறது. ஃபோன் 6.43-இன்ச் முழு HD+ AMOLED டிஸ்ப்ளேவை 20:9 மற்றும் 90Hz புதுப்பிப்பு விகிதத்துடன் கொண்டுள்ளது. Reno 7 5G ஆனது Qualcomm Snapdragon 778G செயலி மூலம் இயக்கப்படுகிறது மற்றும் 12GB வரை LPDDR4x ரேம் ஆதரிக்கிறது. இது 64 மெகாபிக்சல் பிரதான சென்சார், 8 மெகாபிக்சல் வைட் ஆங்கிள் கேமரா மற்றும் 2 மெகாபிக்சல் மேக்ரோ லென்ஸ் ஆகியவற்றை உள்ளடக்கிய மூன்று பின்புற கேமரா அமைப்புடன் வருகிறது. ஃபோனில் 32 மெகாபிக்சல் கேமரா உள்ளது மற்றும் சோனி IMX709 சென்சார் உள்ளது. 

Oppo Reno 7 Pro 5G விவரக்குறிப்புகள்
Android 11 அடிப்படையிலான ColorOS 12 இல் இயங்குகிறது Oppo Reno 7 Pro 5G. 6.55-இன்ச் முழு HD+ (1,080×2,400 பிக்சல்கள்) AMOLED டிஸ்ப்ளேவைக் கொண்டுள்ளது இது, 90Hz புதுப்பிப்பு வீதத்தைக் கொண்டது.  MediaTek Dimensity 1200 Max செயலி மூலம் இயக்கப்படும் இது,  12GB வரை LPDDR4x RAM உடன் இணைக்கப்பட்டுள்ளது. 

மூன்று பின்புற கேமரா அமைப்பைக் கொண்டுள்ளது, இதில் முக்கிய லென்ஸ் 50 மெகாபிக்சல்களும், வைட் ஆங்கிள் கேமரா மற்றும் 2 மெகாபிக்சல் மேக்ரோ ஷூட்டரும் உள்ளது. செல்ஃபி கேமரா 32 மெகாபிக்சல்கள் கொண்டது.

Oppo Reno 7 Pro 5G ஆனது 256GB வரை UFS 3.1 சேமிப்பகத்துடன் வருகிறது. இணைப்பு விருப்பங்களைப் பற்றி பேசுகையில், 5G, 4G VoLTE, Wi-Fi 6, ப்ளூடூத் v5.2, GPS / A-GPS, NFC மற்றும் USB Type-C போர்ட் ஆகியவை ஆதரிக்கப்படுகின்றன. இன்-டிஸ்ப்ளே கைரேகை சென்சார் வழங்கப்பட்டுள்ளது.

ALSO READ | வெறும் ரூ. 49-க்கு அட்டகாசமான Realme ஸ்மார்ட்போன்

Oppo Reno 7 Pro 5G ஆனது 4500mAh பேட்டரி மூலம் ஆதரிக்கப்படுகிறது, இது 65W ஃபாஸ்ட் சார்ஜிங்கை ஆதரிக்கிறது. போனின் எடை 180 கிராம் ஆகும்.

Oppo Reno 7 SE 5G விவரக்குறிப்புகள்
ஆண்ட்ராய்டு 11 அடிப்படையிலான ColorOS 12 இல் இயங்கும் Oppo Reno 7 SE 5G, 6.43-இன்ச் முழு HD+ (1,080x2,400 பிக்சல்கள்) AMOLED டிஸ்ப்ளே மற்றும் 90Hz புதுப்பிப்பு வீதத்தைக் கொண்டுள்ளது. இந்த ஃபோனில் MediaTek Dimension 900 செயலி பொருத்தப்பட்டுள்ளது, இது 8GB LPDDR4x ரேம் மூலம் ஆதரிக்கப்படுகிறது. ஃபோனில் மூன்று பின்புற கேமரா அமைப்பு உள்ளது, இதில் 48 மெகாபிக்சல் பிரதான கேமராவும், 2 மெகாபிக்சல் மேக்ரோ ஷூட்டர் மற்றும் 2 மெகாபிக்சல் டெப்த் சென்சார் உள்ளது. செல்ஃபி கேமரா 16 மெகாபிக்சல்கள் கொண்டது. ஃபோனில் 4500 mAh பேட்டரி உள்ளது, இது 33W ஃபாஸ்ட் சார்ஜிங்கை ஆதரிக்கிறது. இந்த சாதனத்தின் எடை 171 கிராம் ஆகும்.

Oppo Enco Free 2i இயர்பட்ஸின் விலை சுமார் 5,800 ஆக இருக்கும்.  டிசம்பர் 3 முதல் சீனாவில் கிடைக்கும் இந்த இயர்பட்ஸ், மே மாதம் அறிமுகப்படுத்தப்பட்ட என்கோ ஃப்ரீ 2 இன் மறுவடிவமைப்பு செய்யப்பட்ட பதிப்பாகும். இந்த இயர்பட்கள் ANC உடன் வருகின்றன. ஒரு முறை சார்ஜ் செய்தால் 30 மணிநேரம் வரை பிளேபேக் வழங்கும் இயர்பட்ஸ் இது.

ALSO READ | அதிரடி தள்ளுபடியில் அசத்தல் பொருட்களை வாங்கலாம் 

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, இப்போதே ஜீ இந்துஸ்தான் பயன்பாட்டைப் பதிவிறக்குங்கள்.

Android Link: https://bit.ly/3hDyh4G

Apple Link: https://apple.co/3loQYeR

Trending News