பிரியங்கா காந்தி News

ராகுல்காந்தியின் சகோதரி பிரியங்கா காந்திக்கு முதல்முறையாக காங்கிரஸ் கட்சியில் ஒரு பதவி வழங்கப்பட்டு உள்ளது.

காங்கிரஸ் தலைவர் சோனியா காந்தி அவர்களின் மகள் பிரியங்கா காந்தி, டெங்கு காய்ச்சலால் பாதிக்கப்பட்டு மருத்துவமனையில் அனுமதிக்கப்பட்டார். முன்னதாக கடந்த 23ஆம் தேதி காய்ச்சல் காரணமாக பிரியங்கா காந்தி டெல்லி சர் கங்கா ராம் மருத்துவமனையில் அனுமதிக்கப்பட்டார், பரிசோதனைக்கு பிறகு அவருக்கு டெங்கு காய்ச்சல் இருப்பது உறுதியானது. தற்போது அவருக்கு டெங்கு காய்ச்சலுக்கான சிகிச்சை அளிக்கப்பட்டு வருவதாக டெல்லி சர் கங்கா ராம் மருத்துவமனை தலைவர் ராணா தெரிவித்துள்ளார். உடல்நிலையில் தற்போது முன்னேற்றம் இருப்பதாக அவர் தெரிவித்துள்ளார்.

உத்தரபிரதேச மாநில சட்டசபைக்கு அடுத்த ஆண்டு தேர்தல் நடக்கிறது. ஆளும் சமாஜ்வாடி, பா.ஜனதா, பகுஜன் சமாஜ், காங்கிரஸ் கட்சிகள் களத்தில் உள்ளன.

சமீபத்தில் நடந்து முடிந்த நான்கு மாநில சட்டசபை தேர்தல்களில் காங்கிரஸ் கட்சி சரிவையே சந்தித்தது. இந்நிலையில் ராகுல் காந்தி காங்கிரஸ் கட்சியின் தலைவராக வேண்டும் என்ற கோரிக்கையை காங்கிரஸ் கட்சியில் உள்ள இளம் நிர்வாகிகள் முன்வைக்க தொடங்கி உள்ளனர். ஜெய்ராம் ரமேஷ், சசி தரூர், திக்விஜய் சிங் போன்ற பல்வேறு காங்கிரஸ் கட்சித் தலைவர்கள் ராகுல்  காந்தி தலைவராக வரவேண்டும் என்று கோரிக்கைகளை முன் வைத்துள்ளனர். 

பிரியங்கா களமிறங்குவது குறித்த அதிகாரப்பூர்வ அறிவிப்பு இன்னும் இரண்டு நாட்களில் வெளியாகும் என எதிர்பார்க்கப்படுகிறது. இந்த விவகாரத்தில், காங்கிரஸ் கட்சியின் தேர்தல் ஆலோசகர் பிரசாந்த் கிஷோர் பின்னணியில் உள்ளதாக கூறப்படுகிறது. ஆனால், அரசியலில் களமிறங்குவது குறித்த இறுதி முடிவை பிரியங்கா தான் எடுக்க வேண்டும் என காங்கிரஸ் கட்சி வட்டாரங்கள்  தெரிவித்தன. பிரியங்கா இதுவரை சோனியா, ராகுலுக்கு ஆதரவாக தான் பிரசாரம் செய்து வந்தார்.