பலூஜாவில் விமானம் மூலம் அமெரிக்கா நடத்திய தாக்குதலில் ஐஎஸ்ஐஎஸ் பயங்கரவாத அமைப்பைச் சேர்ந்த 250 பயங்கரவாதிகள் பலியானார்கள். 24 மணி நேரத்திற்குள் 250 ஐஎஸ் பயங்கரவாதிகளை குண்டு வீசி கொன்றுவிட்டதாக அமெரிக்கா இராணுவம் தெரிவித்துள்ளது. `
ஈராக் நகரமான பலூஜா, ஐஎஸ் பயங்கரவாதிகள் வசம் உள்ளது. இதை மீட்டுவிட்டதாக அமெரிக்கா தலைமையிலான ஈராக் -ஆதரவு படைகள் கூறி வருகின்றனர். இந்த நிலையில் பலூஜாவில் இருந்து வெளியே சென்று கொண்டிருந்த ஐஎஸ் வாகன அணிவகுப்பின் மீது அமெரிக்க போர் விமானங்கள் குண்டு வீசி தாக்கியதாகவும், அதில் 250-க்கும் மேற்பட்ட ஐஎஸ் பயங்கரவாதிகள் கொல்லப்பட்டதாகவும் அமெரிக்கா மூத்த இராணுவ அதிகாரி ஒருவர் தெரிவித்துள்ளார்.
