హైదరాబాద్-విజయవాడ రహదారిపై ప్రమాదవశాత్తు అదుపుతప్పి బస్సు బోల్తా పడింది. ప్రముఖ మీడియా కథనం ప్రకారం ఈ ప్రమాదంలో 30 మంది ప్రయాణికులు గాయాపడ్డారు. క్షతగాత్రుల్లో పదిమంది వరకు చిన్నారులు ఉన్నట్టు తెలుస్తోంది. కృష్ణా జిల్లా పెనుగంచిప్రోలు మండలం నవాబుపేట వద్ద సోమవారం తెల్లవారుఝమున ఈ ప్రమాదం చోటు చేసుకుంది.
ఇదిలా ఉండగా ప్రమాద ఘటనకు సంబంధించిన సమాచారం తెలుసుకున్న పోలీసులు ఘటనా స్థలం చేసుకొని గాయపడ్డవారికి సమీపంలోని నందిగామ ప్రభుత్వ ఆసుపత్రికి తరలించారు. తీవ్రంగా గాయపడిన చిన్నారుల్లో ముగ్గురి పరిస్థితి విషమంగా మారడంతో వారిని విజయవాడ ఆసుపత్రికి తరలించారు.
పోలీసుల కథనం ప్రకారం యానం నుంచి హైదరాబాదు వెళుతుండగా బస్సు ఒక్కసారిగా అదుపుతప్పడంతో ఈ ఘటన చోటుచేసుకుంది. అతివేగమే ప్రమాదానికి కారణమని పోలీసులు పేర్కొన్నారు. ఘటనపై కేసు నమోదు చేసిన పోలీసులు .. విచారణ చేస్తున్నారు
