Galaxy A73: స్మార్ట్ఫోన్ల తయారీ దిగ్గజం శాంసంగ్.. ఇటీవల విడుదల విడుదల చేసిన.. గెలాక్సీ ఏ73 5జీ ప్రీ బుకింగ్స్ ప్రారంభమయ్యాయి. ప్రీ బుకింగ్స్ చేసుకునే వారికి కంపెనీ బంపర్ ఆఫర్ ప్రకటించింది. మరి ఆ ఆఫర్ల వివరాలు ఏమిటి? ఫోన్ ధర ఎంత? ఫీచర్లు ఎలా ఉన్నాయి. ఇప్పుడు చూద్దాం.
ప్రస్తుతం అందుబాటులో ఉన్న గెలాక్సీ ఏ72 మోడల్కు కొనసాగింపుగా.. గెలాక్సీ ఏ 73 5జీ మొబైల్ను గత నెలాఖరకున మార్కెట్లోకి విడుదల చేసింది శాంసంగ్. రెండు వేరియంట్లుగా దీనిని తీసుకొచ్చింది. అందులో 8జీబీ ర్యామ్+128 జీబీ స్టోరేజ్ వేరియంట్ ధరను రూ.41,999గా నిర్ణయించింది. 8జీబీ ర్యామ్+ 256 జీబీ స్టోరేజ్ వేరియంట్ ధరను రూ.44,999గా ఉంది.
మూడు కలర్ వేరియంట్ ఆప్షన్స్తో ఈ మొబైల్ అందుబాటులోకి వచ్చింది. మింట్, గ్రే, వైట్ కలర్స్లో ఈ స్మార్ట్ఫోన్ను తీసుకొచ్చింది శాంసంగ్.
శాంసంగ్ గెలాక్సీ ఏ 73 5జీ ఫీచర్లు..
6.7 అంగుళాల డిస్ప్లే ( సూపర్ ఆమోల్డ్ ఇన్ఫినిటి-ఓ-డిస్ప్లే), 1080x2400 పిక్సెల్ రెసొల్యూషన్
120 హెచ్జెడ్ రీఫ్రెష్ రెట్తో కూడిన గొరిల్లా గ్లాస్ 5 ప్రొటెక్షన్ డిస్ప్లే
క్వాల్కమ్ 778జీ ప్రాసెసర్తో కూడిన.. అడ్రినో 642ఎల్ జీపీయూ
వెనకవైపు 108 ఎంపీ కెమెరాతో కూడిన.. క్వాడ్ కెమెరా సెటప్ (108 ఎంపీ+12 ఎంపీ+5ఎంపీ+5ఎంపీ)
32 మెగా పిక్సెళ్ల సెల్ఫీ కెమెరా
5,000 ఎంఏహెచ్ బ్యాటరీ, 25 వాట్స్ ఫాస్ట్ ఛార్జింగ్ సపోర్ట్
అదిరే ఆఫర్లతో ప్రీ బుకింగ్స్ షురూ..
గెలాక్సీ ఏ 73 5జీ కోసం ఇప్పటికే ప్రీ బుకింగ్ ప్రారంభించింది కంపెనీ. ముందస్తు బుకింగ్స్ చేసుకునే కస్టమర్లకు అదిరే ఆఫర్లను ప్రకటించింది. ఫోన్ ధరకు అదనంగా కేవలం రూ.రూ.499 చెల్లిస్తే.. రూ.6,990 విలువైన గెలాక్సీ బడ్స్ సొంతం చేసుకోవచ్చని వివరించింది.
ఏప్రిల్ 8 సాయంత్రం ఆరు గంటల నుంచి శాంసంగ్ అధికారిక వెబ్సైట్లో స్పెషల్ సేల్ నిర్వహించనున్నట్లు కూడా వెల్లడించింది కంపెనీ. ఈ ప్రత్యేక సేల్లో శాంసంగ్ ఫినాన్స్ ప్లస్, ఎస్బీఐ క్రెడిట్ కార్డ్, ఐసీఐసీఐ డెబిట్, క్రెడిట్ ద్వారా చెల్లింపులు జరిపితే రూ.3 వేల వరకు తక్షణ డిస్కౌంట్ లభిస్తుందని పేర్కొంది.
Also read: Mobile Savings Days: స్మార్ట్ఫోన్లపై అమెజాన్ సమ్మర్ కూల్ ఆఫర్లు- పూర్తి వివరాలివే..
Also read: Stock Markets: మార్కెట్లకు రెండో రోజూ నష్టాలు- కుదిపేసిన ఐటీ, హెచ్డీఎఫ్సీ జంట షేర్లు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
