Pushpa - FilmFare Awards : ఊడ్చిపారేసిందట.. 'పుష్ప'పై అల్లు అర్జున్ ట్వీట్

Filmfare Awards ప్రస్తుతం ఫిల్మ్ ఫేర్ అవార్డులకు సంబంధించిన లిస్ట్ వైరల్ అవుతోంది. అందులో పుష్ప చిత్రం అవార్డులన్నంటిని ఊడ్చి అవతల పారేసిందని బన్నీ చెప్పుకొచ్చింది. అన్ని కేటగిరీల్లో పుష్ప సత్తా చాటిందని అల్లు అర్జున్ ఆనందాన్ని వ్యక్తం చేశాడు.

Written by - ZH Telugu Desk | Last Updated : Oct 10, 2022, 03:21 PM IST
  • ఫిల్మ్ ఫేర్ అవార్డుల ప్రకటన
  • ఉత్తమ నటుడిగా బన్నీకి అవార్డు
  • అవార్డుల్లో పుష్ప చిత్రం హవా
Pushpa - FilmFare Awards : ఊడ్చిపారేసిందట.. 'పుష్ప'పై అల్లు అర్జున్ ట్వీట్

Pushpa - FilmFare Awards : అల్లు అర్జున్ సుకుమార్ కాంబోలో వచ్చిన పుష్ప మొదటి పార్ట్ ఎంతగా హిట్ అయిందో అందరికీ తెలిసిందే. పుష్ప ది రైజ్ అంటూ వచ్చిన ఈ చిత్రం తెలుగు రాష్ట్రాల్లో మొదటి రోజు మిక్స్డ్ రివ్యూలు వచ్చాయి. ప్లాప్, యావరేజ్ అని తేల్చారు. కానీ ఇదే సినిమా హిందీ ప్రేక్షకులకు విపరీతంగా నచ్చేసింది. దీంతో సినిమా బ్లాక్ బస్టర్ హిట్‌గా నిలిచింది. ఏకంగా డబ్బింగ్ సినిమాతో వంద కోట్లు కొల్లగొట్టిన ఏకైక తెలుగు హీరోగా బన్నీ నిలిచాడు.

మొత్తానికి పుష్ప మాత్రం బార్డర్లు దాటి క్రేజ్ దక్కించుకుంది. బన్నీ డైలాగ్స్, మ్యానరిజంలు అందరికీ ఎక్కేశాయి. చిన్నా పెద్ద, ముసలి ముతకా అని తేడా లేకుండా పుష్ప రాజ్ ఆవహించేశాడు. అయితే ఇప్పుడు బన్నీ మాత్రం ఫుల్ జోష్‌లో ఉన్నాడు. ఫిలింఫేర్ అవార్డుల్లో పుష్ప చిత్రం దుమ్ములేపేసింది. ఊడ్చి అవతల పారేసిందంటూ బన్నీ ట్వీట్ వేశాడు.

 

పుష్పచిత్రానికి గానూ ఫిల్మ్ం ఫేర్ అవార్డుల్లో.. ఉత్తమ నటుడిగా బన్నీకి, ఉత్తమ చిత్రంగా పుష్పకు, ఉత్తమ దర్శకుడిగా సుకుమార్‌కు, ఉత్తమ సంగీత దర్శకుడిగా దేవీ శ్రీ ప్రసాద్‌కు, ఉత్తమ కెమెరామెన్‌గా కుబా, ఉత్తమ గాయకుడు (మేల్) సిధ్ శ్రీరామ్ (శ్రీ వల్లి పాట), ఉత్తమ గాయని కేటగిరీలో ఊ అంటావా పాటకు గానూ ఇంద్రావతికి అవార్డులు లభించాయి.

పుష్ప మొదటి పార్టుకు వచ్చిన క్రేజ్ చూసి మేకర్లు షాక్ అయ్యారు. దీంతో రెండో పార్టును మరో స్థాయిలో తెరకెక్కించాలని ప్లాన్ చేశారు. దానికి తగ్గట్టుగా స్క్రిప్ట్ కూడా చేంజ్ చేశాడు సుకుమార్. ఈ ఏడాదిలో షూటింగ్ ప్రారంభించి.. వచ్చే ఏడాదిలో సినిమాను విడుదల చేయాలని మైత్రి మూవీస్ భావిస్తోందని తెలుస్తోంది.

Also Read : Vishnu Manchu - RRR Oscar : ట్రోలర్‌కు మంచు విష్ణు ఘాటు రిప్లై

Also Read : Kasthuri Shankar - Nayanthara Surrogacy : చిక్కుల్లో నయన్.. చిచ్చుపెట్టిన కస్తూరీ

 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి. 

Android Link https://bit.ly/3P3R74U

Apple Link - https://apple.co/3loQYe 

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook 

Trending News

By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.

x