Toxic: యశ్ టాక్సిక్ సినిమాలో నేను నటించడం లేదు.. క్లారిటీ ఇచ్చిన హీరోయిన్

Yash Toxic Cast: యశ్ గురించి ప్రస్తుతం దేశవ్యాప్తంగా ఎవరికి పరిచయాలు అవసరం లేదు. తన కేజిఎఫ్ సినిమాతో ప్రపంచవ్యాప్తంగా ఎంతో మంది అభిమానులను సంపాదించుకున్నారు ఈ రాఖీ బాయ్. ఈ క్రమంలో కేజిఎఫ్ సినిమా తరువాత రాబోతున్న యాష్ సినిమా పైన ఎన్నో అంచనాలు ఉన్నాయి. ఈ సినిమా గురించి ప్రస్తుతం వైరల్ అవుతున్న ఒక వార్త సోషల్ మీడియాలో అందరిని ఆశ్చర్యానికి గురిచేస్తోంది..

Toxic Update: ప్రశాంత్ నీల్ దర్శకత్వంలో వచ్చిన కేజిఎఫ్ సినిమాతో.. ప్రపంచవ్యాప్తంగా ఎంతో మంది అభిమానులను సంపాదించుకున్నారు కన్నడ హీరో యశ్. ఈ సినిమా తరువాత ఈ హీరో.. సినిమాల బిజినెస్ అమాంతంగా పెరిగిపోయింది.  ఈ హీరో రాబోయే ప్రాజెక్టులపై.. ప్రస్తుతం భారీ అంచనాలు ఉన్నాయి. ఈ క్రమంలో త్వరలో.. ఈ హీరో నటిస్తున్న.. టాక్సిక్ సినిమా షూటింగ్ మొదలుకానుంది. అయితే ఈ చిత్రంలో భారీ తారాగణం ఉండబోతోంది అంటూ ఇప్పటికే వార్తలు షికార్లు చేస్తున్నాయి. 

కరీనాకపూర్, శృతిహాసన్, నయనతార లాంటి స్టార్ హీరోయిన్ల పేర్లు కూడా వినిపిస్తూ వచ్చాయి. ఇక ఈ సినిమా కాస్టింగ్ పూర్తయిపోయిందని.. ఒక పెద్ద లిస్ట్ సోషల్ మీడియాలో వైరల్ అయింది. ఈ నేపథ్యంలో ఇప్పుడు ఒక హీరోయిన్ ఈ సినిమాలో.. నేను భాగం కాదు అంటూ చెప్పడం అందరిని ఆశ్చర్యపరుస్తోంది.

మలయాళానికి చెందిన గీతూ మోహన్ దాస్ దర్శకత్వంలో వస్తోన్న ఈ చిత్రంలో.. బాలీవుడ్ భామ తారా సుతారియా కూడా నటిస్తుందని రూమర్స్ రాసాగాయి. ఇక ఈ న్యూస్ కాస్త తెగ వైరల్ కావడంతో.. ఈ వార్తల పై తారా సుతారియా స్పందించింది. తారా సుతారియా బాలీవుడ్ లో ‘స్టూడెంట్ ఆఫ్ ది ఇయర్ 2’, ‘ఏక్ విలన్ రిటర్న్స్’తో క్రేజ్ తెచ్చుకుంది. 

అయితే యశ్ టాక్సిక్‌ సినిమాలో ఆమె ఒక ముఖ్యమైన పాత్రలో కనిపించనుంది అని.. ఆమె సెకండ్ హీరోయిన్గా చేస్తోంది అని వార్త తెగ వైరల్ అయింది. ఈ విషయంపై స్పందిస్తూ ఇంస్టాగ్రామ్ లో ఒక పోస్ట్ పెట్టింది ఈ హీరోయిన్. టాక్సిక్ సినిమా గురించి ఆమె ఇన్ డైరెక్ట్ గా మాట్లాడుతూ.. ‘ఇటీవల ఓ ప్రాజెక్ట్ గురించి రాసిన కథనం పూర్తిగా అవాస్తవం. అది కేవలం అసత్య ప్రచారం. మీకు ఏదైనా చెప్పాలని ఉంటే, నేనే మీకు చెపుతాను. ప్రత్యేక నోటీసు, ఇక్కడ ఎవరూ సెకండ్ హీరోయిన్  కాదు’ అని తారా చెప్పుకొచ్చింది.

తాజాగా ఈ హీరోయిన్ అపూర్వ అనే సినిమాలో నటించింది. ఇక ఈ సినిమా తరువాత ఈ నటి.. ఎటువంటి చిత్రం ప్రకటించలేదు. ఇక టాక్సిక్‌ విషయానికొస్తే.. ఈ సినిమా డ్రగ్స్ మాఫియా నేపథ్యంలో ఉంటుందని తెలుస్తోంది. ఈ చిత్రాన్ని పాన్ ఇండియా రేంజ్ లో విడుదల చేయాలని సిద్ధమవుతున్నారు సినిమా యూనిట్.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.