Dulquar Salman: టాలీవుడ్, మాలీవుడ్ లో లవర్ బాయ్ గా పేరు సంపాదించారు హీరో దుల్కర్ సల్మాన్.. తన కెరియర్ లో ఎప్పుడూ కూడా విభిన్నమైన పాత్రలనే ఎంచుకుంటూ ఉంటారు. ఎలాంటి పాత్రలోనైనా సరే.. తన హీరో విజయాన్ని చూపిస్తూ ఉంటారు దుల్కర్ సల్మాన్. మొదటిసారి కనులు కనులు దోచాయ్ అంటే అనే డబ్బింగ్ సినిమా ద్వారా తెలుగులోకి ఎంట్రీ ఇచ్చారు. మహానటి, సీతారామం, కింగ్ ఆఫ్ కోత.. ఇతర చిత్రాలతో కూడా తెలుగు ప్రేక్షకులను మరింత ఆకట్టుకున్నారు. ఇటీవలే విడుదలైన కల్కి.. సినిమాలో కూడా ఒక అద్భుతమైన పాత్రలో నటించారు.
ప్రస్తుతం దుల్కర్ సల్మాన్ డైరెక్టర్.. వెంకీ అట్లూరి దర్శకత్వంలో..లక్కీ భాస్కర్ అనే సినిమాలో నటిస్తూ ఉన్నారు. ఈ చిత్రాన్ని సితార బ్యానర్ పైన.. తెరకెక్కించడం జరిగింది. ఈ ఏడాది ఆగస్టులో విడుదల చేసేలా చిత్ర బృందం.. ప్లాన్ చేస్తున్నారు. అయితే ఇప్పుడు తాజాగా మరొక విషయం ఏమిటంటే.. నేరుగా టాలీవుడ్ లో ఒక మూవీకి గ్రీన్ సిగ్నల్.. ఇచ్చినట్లుగా వార్తలు వినిపిస్తున్నాయి. అయితే ఈ సినిమా కూడా వైజయంతి మూవీస్.. బ్యానర్ పైనే నిర్మించబోతున్నట్లు సమాచారం. డైరెక్టర్ గా పవన్ సాదినేని.. దర్శకత్వం వహించబోతున్నట్లు.. టాలీవుడ్ ఇండస్ట్రీలో వార్తలు వినిపిస్తున్నాయి. ప్రస్తుతం ఈ చిత్రానికి సంబంధించి చర్చలు చివరి దశలో ఉన్నట్లుగా సమాచారం.
ముఖ్యంగా దుల్కర్ సల్మాన్ కు వైజయంతి మూవీస్ బ్యానర్ కు.. మంచి బంధం ఉందని చెప్పవచ్చు. గతంలో మహానటి సినిమాలో నటించగా.. ఆ తర్వాత సీతారామం సినిమాతో మంచి విజయాన్ని అందుకున్నారు. అలాగే ఇటీవల కల్కి.. సినిమాలో కూడా చిన్న పాత్ర పోషించారు. డైరెక్టర్ పవన్ సాదినేని డైరెక్షన్లో వచ్చిన సినిమాలు చాలా తక్కువగానే ఉన్నాయి. రీసెంట్ గా జెడి చక్రవర్తి తో కలిసి దయా అనే వెబ్ సిరీస్ కూడా తెరకెక్కించారు. ఈ వెబ్ సిరీస్ పర్వాలేదు అనిపించుకుంది. గతంలో కూడా వైజయంతి మూవీస్ బ్యానర్ వారు డైరెక్టర్ హను రాఘవపూడి కి అవకాశం ఇవ్వడంతో సీతారామం వంటి ఒక బ్లాక్ బాస్టర్ చిత్రాన్ని.. సరికొత్త కథను తెలుగు ప్రేక్షకులకు పరిచయం చేశారు.
మరి దీన్ని బట్టి చూస్తే వైజయంతి మూవీస్ బ్యానర్ మీద ఉన్న నమ్మకాన్ని డైరెక్టర్ పవన్ సాదినేని.. నిలబెడతారనే నమ్మకం కనిపిస్తోంది. అఫీషియల్ గా చిత్ర బృందం దుల్కర్ సల్మాన్ చిత్రం గురించి ప్రకటిస్తారేమో చూడాలి మరి.
Also read: Prostate Cancer Signs: బాడీలోని ఈ 3 భాగాల్లో సమస్య ఉంటే ప్రోస్టేట్ కేన్సర్ కావచ్చు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
