Sitaram Sitralu:
బస్ స్టాప్, ఈ రోజుల్లో లాంటి చిన్న సినిమాలతో తన కెరియర్ మొదలు పెట్టిన మారుతి ప్రస్తుతం ప్రభాస్ తో పాన్ ఇండియా సినిమా చేసే రేంజ్ కి ఎదిగారు. ఈ ప్రయాణంలో ఆయన ఎన్నో కొత్త కాన్సెప్ట్ సినిమాలు తీయడమే కాకుండా ఎంతో మంది కొత్తవారిని కూడా ఎంకరేజ్ చేశారు. తాజాగా సరికొత్త కాన్సెప్ట్ తో రాబోతున్న సీతారాం సిత్రాలు సినిమా ట్రైలర్ ని విడుదల చేశారు ఈ డైరెక్టర్.
రైజింగ్ హాండ్స్ ప్రొడక్షన్స్ నెంబర్ 1 గా తెరకెక్కుతున్న సినిమా సీతారాం సిత్రాలు. లక్ష్మణ్ , కిశోరి దాత్రక్, భ్రమరాంబిక, హీరో హీరోయిన్ గా నటిస్తున్న ఈ సినిమా ద్వారా డి.నాగ శశిధర్ రెడ్డి దర్శకుడిగా పరిచయం అవుతున్నారు. మన పాత రోజులను గుర్తు చేస్తూ... పెళ్లి విసిఆర్ క్యాసెట్స్ పై రాబోతున్న సినిమా సీతారాం చిత్రాలు. ఈ చిత్ర కాన్సెప్ట్ ట్రైలర్ ను దర్శకుడు మారుతి విడుదల చేశారు.
ఈ సందర్భంగా దర్శకుడు మారుతి మాట్లాడుతూ...
‘సరికొత్త కథ, కథనాలు ఉన్న సినిమాలను తెలుగు ప్రేక్షకులు ఎప్పుడూ ఆదరిస్తూ ఉంటారు. వైవిద్యమైన కథ ఉన్న చిత్రాలు ఎప్పుడూ ప్రేక్షకాదరణ పొందుతాయి. సీతారాం చిత్రాలు టైటిల్, ట్రైలర్ చాలా కొత్తగా ఉంది అలానే ఈ రెండు కూడా చాలా బాగున్నాయి. సినిమా విజయం సాధించి అందరికి మంచి పేరు తెచ్చి పెట్టాలని కోరుకుంటున్నాను’ అని తెలియజేశారు .
షూటింగ్, పోస్ట్ ప్రొడక్షన్ కార్యక్రమాలు పూర్తిచేసుకున్న ఈ సినిమా త్వరలోనే థియేటర్స్ లో విడుదల కానుంది అని ఈ చిత్రం మేకర్స్ తెలిపారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
