Veneela Kishore Osey Arundhati Teaser: ప్రముఖ డైరెక్టర్ విక్రాంత్ కుమార్ దర్శకత్వంలో గూడూరు ప్రణయ్ రెడ్డి ఇటీవల నిర్మిస్తున్న చిత్రం ఒసేయ్ అరుంధతి. మౌనిక చౌహన్, కమల్ కామరాజు, వెన్నెల కిషోర్ తదితరులు కీలకపాత్రను పోషిస్తున్నారు. ఈ సినిమా షూటింగ్ పూర్తి చేసుకొని ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్నట్లు.. గతంలోనే మేకర్స్ వెల్లడించారు. ఇక మే నెలలో ఈ సినిమాకు సంబంధించిన పోస్టర్ ను కూడా విడుదల చేస్తూ త్వరలోనే మీ ముందుకు తీసుకొస్తామని తెలిపారు. అయితే తాజాగా ఈ సినిమాకు సంబంధించి టీజర్ ని విడుదల చేశారు.
ముందుగా ఈ సినిమా కథ విషయానికి వస్తే.. హైదరాబాదులో నివాసం ఉంటున్న మధ్య తరగతి కుటుంబానికి చెందిన ఒక ఇల్లాలే అరుంధతి. తన పిల్లాడితోపాటు ఇంటి బాధ్యతలను.. చూసుకుంటూ ఉంటుంది. అయితే ఒకసారి సత్యనారాయణ స్వామి వ్రతం చేయాలని అనుకుంటుంది. అనుకోకుండా ఒక సమస్య ఎదురవుతుంది. ఆ సమస్య నుంచి తనను తాను కాపాడుకుంటూ.. ఎలా ఇంటి పరువును కాపాడింది అనేది ఈ 'ఓసేయ్ అరుంధతి' సినిమా కాన్సెప్ట్.
ఇక టీజర్ విషయానికి వస్తే.. ఈ సినిమా థ్రిల్లింగ్ ఎలిమెంట్స్ తో పాటు ప్రధానంగా.. కామెడీ సాగే చిత్రంగా తెలిపారు చిత్ర బృందం. కానీ టీజర్ లో చూసినట్లయితే ఆద్యంతం ఉత్కంఠ రేకెత్తించింది. టీజర్ ప్రారంభించగానే డెడ్ బాడీని.. వెతుకుతూ పోలీసుల బృందం కనిపిస్తుంది. కట్ చేస్తే ఆ ఇల్లాలి ఇంట్లో డెడ్ బాడీ కనిపిస్తుంది. ఇక ఆ డెడ్ బాడీని దాచడానికి హీరోయిన్ పడే కష్టం మామూలుగా ఉండదు. ఇకపోతే తన అత్తమ్మ తన కొడుకు గురించి అడుగుతూ నేను అబ్బాయికి ఫోన్ చేస్తా అనడం ,హీరోయిన్ డెడ్ బాడీ దగ్గర ఉన్న ఫోన్ స్విచ్ ఆఫ్ చేయడం బట్టి చూస్తే ఆ డెడ్ బాడీకి, వాళ్ళ అత్తకి , హీరోయిన్ కి మధ్య ఏదో సంబంధం ఉందన్నట్టు చూపించారు. ఈ సన్నివేశాన్ని బట్టి చూస్తే.. ఆ డెడ్ బాడీ ఈమె భర్తది అయి ఉండొచ్చు కదా అని చూసేవారిలో అనిపిస్తుంది. కానీ కాన్సెప్ట్ సత్యనారాయణ వ్రతం కాబట్టి భర్తను చంపి ఆమె పూజ చేసుకోవడం కుదరదు. మరి ఇదెక్కడ ట్విస్ట్ అని అనుమానాలు కూడా వ్యక్తం అవుతాయి.
ఇక తర్వాత ఒక తాగుబోతు పోలీస్ జీప్ లో కూర్చొని చంపేసినా.. పడేసినా అంటూ కామెంట్లు చేస్తారు. దీంతో పోలీసులు పసిగట్టి ఎవరిని చంపేసావు..? ఎక్కడ పడేసావు? అని ప్రశ్నిస్తారు. ఇక మొత్తానికైతే సస్పెన్స్ థ్రిల్లర్గా ఈ టీజర్ అధ్యంతం ఆకట్టుకుంటుంది. టీజర్ తోనే సినిమాపై మంచి హైప్ పెంచేసింది. దీంతో పలువురు సెలబ్రిటీలు కూడా చిత్ర బృందానికి ఆల్ ది బెస్ట్ తెలియజేస్తున్నారు.
Read more: Tirumala: తిరుమలలో షాకింగ్ ఘటన.. శ్రీవారికే శఠగోపం పెట్టిన కేటుగాడు.. ఏంచేశాడో తెలుసా..?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
