Maharashtra And Jharkhand Election Results 2024 Live: దేశంలో అత్యంత కీలకమైన మహారాష్ట్ర, జార్ఖండ్‌ ఎన్నికల ఫలితాలు ఉత్కంఠ రేపుతున్నాయి. బీజేపీ కూటమి వైపా? ఇండి కూటమి వైపా? ఓటర్లు ఎటువైపు నిలిచారో నిమిష నిమిషానికి లైవ్‌ అప్‌డేట్స్‌
Maharashtra And Jharkhand Poll Results: ఆదివాసీల అడ్డాలో గెలిచేదెవరు? మరాఠా అధికార పీఠంపై కూర్చునేది ఎవరు? దేశంలోనే అత్యంత కీలకమైన మహారాష్ట్ర, ఝార్ఖండ్‌లో ఈసారి అధికారం ఎవరిదనేది నేడు తేలనుంది. అత్యంత ఉత్కంఠ కలిగిస్తున్న ఈ రెండు రాష్ట్రాల ఎన్నికల ఫలితాలు ఇలా ఉన్నాయి. దేశ రాజకీయాలను తీవ్రంగా ప్రభావితం చేసే ఈ ఎన్నికల్లో ఎవరు విజయం సాధించారో తెలుసుకుందాం. శనివారం ఓట్ల లెక్కింపు ప్రారంభమవగా నిమిష నిమిషానికి ఎన్నికల ఫలితాలు అందిస్తున్నాం.
ఈ విజయం వారికే అంకితం
అఖండ విజయం సాధించడంపై మాహారాష్ట్ర ముఖ్యమంత్రి ఏక్‌నాథ్‌ షిండే స్పందించారు. 'ఈ విజయం మహిళలకు అంకితం. భారీ విజయం అందించిన అందరికీ ధన్యవాదాలు. ఈ విజయం మేము చేసిన పనులకు నిదర్శనం' అని తెలిపారు.
వెలువడిన తొలి ఫలితం
మహారాష్ట్ర ఎన్నికల ఫలితాల్లో తొలి ఫలితం వెల్లడైంది. బీజేపీ తొలి బోణీ కొట్టింది. వడాల నియోజకవర్గంలో బీజేపీ అభ్యర్థి కాళిదాస్‌ నీలకంఠ్‌ 59,764 ఓట్ల భారీ ఆధిక్యంతో విజయం సాధించారు.
మహాయుతిదే అధికారం
మహారాష్ట్రలో తిరిగి మహాయుతి కూటమి అధికారంలోకి రానుంది. స్పష్టమైన ఆధిక్యంతో మహారాష్ట్రలో బీజేపీ నేతృత్వంలోని ప్రభుత్వం కొలువుదీరనుందని ఓట్ల లెక్కింపు సరళిని చూస్తే చెప్పవచ్చు. 288 స్థానాల్లో 220 చోట్ల మహాయుతి కూటమి దూకుడుగా వెళ్తుండగా.. మహాఘట్‌బంధన్‌ కేవలం 53 స్థానాలకు పరిమితం కాగా.. ఇతరులు 15 చోట్ల ముందంజలో ఉన్నారు.
జార్ఖండ్‌లో అధికారం దిశగా జేఎంఎం
జార్ఖండ్‌ ఓట్ల లెక్కింపు ఉత్కంఠతో కొనసాగుతున్నాయి. ఆధిక్యంలో ఉన్న బీజేపీ కూటమిని తోసేసి జేఎంఎం కూటమి భారీ ఆధిక్యంతో దూసుకెళ్తోంది. 81 స్థానాల్లో ఏకంగా 49 చోట్ల ముందంజలో ఉండగా.. బీజేపీ కూటమి 30 స్థానాల్లో.. ఇతరులు రెండు చోట్ల ముందజంలో ఉన్నారు.
200 మార్క్‌ దాటిన మహాయుతి
ఓట్ల లెక్కింపు మొదలుపెట్టినప్పటి నుంచి మహాయుతి కూటమి దూసుకుపోతుంది. స్పష్టమైన ఆధిక్యంతో మహారాష్ట్రలో బీజేపీ నేతృత్వంలోని ప్రభుత్వం కొలువుదీరనున్నట్లు తెలుస్తోంది. 288 స్థానాల్లో 212 చోట్ల మహాయుతి కూటమి దూకుడుగా వెళ్తుండగా.. మహాఘట్‌బంధన్‌ కేవలం 60 స్థానాలకు పరిమితమవడం గమనార్హం. ఇతరులు 16 చోట్ల ముందంజలో ఉన్నారు.
జార్ఖండ్‌లో జేఎంఎం కూటమి
అనూహ్యంగా జార్ఖండ్‌ ఓట్ల లెక్కింపు మారిపోయింది. మొదటి నుంచి ఆధిక్యంలో ఉన్న బీజేపీ కూటమిని వెనక్కి నెట్టేసి జేఎంఎం కూటమి భారీ ఆధిక్యంతో దూసుకొచ్చింది. 81 స్థానాల్లో ఏకంగా 50 చోట్ల ముందంజలో ఉండడం విశేషం. బీజేపీ కూటమి 28 స్థానాల్లో.. ఇతరులు రెండు చోట్ల ముందజంలో ఉన్నారు.
ప్రముఖులు ఇలా..
జార్ఖండ్‌లో ప్రముఖులు ఇలా..
మెజార్టీ మార్క్‌ దాటిన బీజేపీ కూటమి
మహారాష్ట్ర ఎన్నికల ఓట్ల లెక్కింపులో మొదటి నుంచి అధికార మహాయుతి కూటమి ఆధిక్యంలోనే కొనసాగుతోంది. 288 స్థానాల్లో కావాల్సిన మెజార్టీ మార్క్‌ను దాటేసి 152 స్థానాల్లో ఆధిక్యంలో కొనసాగుతోంది. మహాఘట్‌బంధన్‌ కూటమి 84 స్థానాల్లో ఆధిక్యం ఉండగా.. ఇతరులు 9 చోట్ల ముందంజలో ఉన్నారు.
జార్ఖండ్‌లో బీజేపీ కూటమి ముందంజ
జార్ఖండ్‌ ఓట్ల లెక్కింపులో అధికారం అనేది స్పష్టంగా ఎవరికీ తేలడం లేదు. 81 స్థానాలు ఉన్న జార్ఖండ్‌లో బీజేపీ కూటమి 37 స్థానాల్లో ఆధిక్యంలో కొనసాగుతుండగా.. జేఎంఎం నేతృత్వంలోని కూటమి 28 స్థానాల్లో ఆధిక్యంలో కొనసాగుతోంది. ఈసారి స్పష్టమైన తీర్పు ఓటర్లు ఎవరికీ ఇచ్చినట్టు కనిపించడం లేదు.
ప్రముఖులు ఎవరు ఎక్కడ
బీజేపీ కొత్త ఉత్సాహం
మహారాష్ట్రలో బీజేపీ కూటమి కొత్త ఉత్సాహంతో ఉంది. ఎన్నికల ఓట్ల లెక్కింపులో మెజార్టీకి చేరువగా మహాయుతి కూటమి ఆధిక్యంలో ఉంది. 288 స్థానాల్లో 135 చోట్ల ఆధిక్యంలో కొనసాగుతోంది. మహాఘట్‌బంధన్‌ కూటమి 90 స్థానాల్లో.. ఇతరులు 4 చోట్ల ఆధిక్యంలో ఉన్నారు.
హోరాహోరీ
జార్ఖండ్‌లో హోరాహోరీగా కొనసాగుతోంది. 81 స్థానాల్లో 29 స్థానాల్లో బీజేపీ కూటమి, 23 చోట్ల జేఎంఎం కూటమి ఆధిక్యంలో కొనసాగుతున్నాయి.
కాంగ్రెస్‌కు జోష్‌.. ఆధిక్యంలో ప్రియాంక గాంధీ
ఆధిక్యంలో ప్రియాంకా గాంధీ. వయానాడ్‌ ఓట్ల లెక్కింపు ప్రారంభమవగా తొలి రౌండ్‌లోనే 460 ఓట్ల ఆధిక్యంలో ప్రియాంక ఉన్నారు. బీజేపీ అభ్యర్థి నవ్య హరిదాస్‌ వెనుకంజలో ఉన్నారు.
ఆరంభ ఆధిక్యం బీజేపీ కూటమిదే
మరాఠా గడ్డ
మహారాష్ట్ర ప్రారంభమైన ఓట్ల లెక్కింపులో ఆరంభమే మహాయుతి కూటమి ఆధిక్యంలోకి వచ్చింది. 288 స్థానాల్లో 40 స్థానాల్లో బీజేపీ నేతృత్వంలోని మహాయుతి కూటమి ఆధిక్యంలో కొనసాగుతోంది. మహాఘట్‌బంధన్‌ కూటమి 30 స్థానాల్లో ఆధిక్యంలో కొనసాగుతోంది.
ఆదివాసీ అడ్డాపై
జార్ఖండ్‌లో ప్రారంభమైన ఓట్ల లెక్కింపులో ఎన్డీయే కూటమి ఆరంభమే అదరగొట్టింది. 81 స్థానాల్లో బీజేపీ నేతృత్వంలోని కూటమి 15 స్థానాల్లో ఆధిక్యంలో ఉండగా.. జేఎంఎం పార్టీ, కాంగ్రెస్‌ కూటమి 9 స్థానాల్లో ఆధిక్యంలో ఉంది.
47 ఉప ఎన్నికలు
రెండు రాష్ట్రాల అసెంబ్లీ ఎన్నికలతోపాటు దేశంలోని 13 రాష్ట్రాల్లో 46 అసెంబ్లీ సీట్లకు ఉప ఎన్నికలు జరిగాయి. వీటి ఫలితాలు కూడా నేడు వెలువడుతున్నాయి.
వయనాడ్‌పై ఉత్కంఠ
ఇక తన సోదరుడు రాహుల్‌ గాంధీ రాజీనామాతో ఖాళీగా ఏర్పడిన వయనాడ్‌ ఉప ఎన్నిక కూడా జరగ్గా అక్కడి నుంచి ప్రియాంకా గాంధీ పోటీ చేశారు. వయానాడ్‌ ఫలితం కూడా నేడే రానుంది.
మెజార్టీ మార్క్‌ ఇలా..
