Ilaiyaraaja Biopic Launch Event: ప్రస్తుతం సినీ ఇండస్ట్రీలో బయోపిక్స్ ట్రెండ్ నడుస్తోంది. ఇప్పటికే పలువురి ప్రముఖులు జీవితాలను వెండితెరపై ఆవిష్కరించారు. ఈ రూట్లోనే తన సంగీతంతో దక్షిణాది సినీ ప్రపంచాన్ని ఏలిన ఇళయరాజా బయోపిక్ తెరకెక్కిస్తున్నారు. తాజాగా ఈ సినిమాకు సంబంధించిన ఫస్ట్ లుక్ రిలీజ్ చేస్తే మంచి రెస్పాన్స్ వచ్చింది. ఇక ఈ సినిమాకు సంబంధించిన లాంఛ్ ఈవెంట్ చెన్నైలో ఘనంగా జరిగింది.
స్వరరాజా ఇళయరాజా పాటలకు అభిమానులు కానీ వారు ఎవరు ఉండరు. ఈయన జీవితంలో కావాల్సినంత స్టోరీ ఉంది. ఈయన బయోపిక్ తెరకెక్కిస్తారని చెప్పినప్పటి నుంచి అభిమానులు కూడా ఈ బయోపిక్ ఎపుడు స్టార్ట్ అవుతుందా అని ఎదురు చూసారు. ఎట్టకేలకు మ్యూజిక్ మ్యాస్ట్రో 'ఇళయరాజా' బయోపిక్ చెన్నైలో ప్రారంభమైంది.
ఈ వేడుకకు యూనివర్సల్ నటుడు కమల్ హాసన్ ముఖ్య అతిథిగా హాజరయ్యారు. అంతేకాదు ఈ సినిమాకు సంబంధించిన పోస్టర్‌ను విడుదల చేసారు. ఈ పోస్టర్‌లో రెట్రో లుక్‌లో ఇళయరాజాలా ఉన్న ధనుశ్ ఫస్ట్ లుక్ ఆకట్టుకునే విధంగా ఉంది.
ధనుశ్, శివరాజ్ కుమార్, సందీప్ కిషన్‌లతో 'కెప్టెన్ మిల్లర్' మూవీని తెరకెక్కించిన అరుణ్ మాదేశ్వరన్ ఈ బయోపిక్‌ను డైరెక్ట్ చేస్తున్నాడు.
ఈ సినిమాను కనెక్ట్ మీడియా, PK ప్రైమ్ ప్రొడక్షన్, మరియు మెర్క్యూరీ మూవీస్ బ్యానర్ పై శ్రీరామ్ భక్తిశరణ్, సీకే పద్మకుమార్, వరుణ్ మాథుర్, సౌరభ్ మిశ్రా, ఇళంపర్తి గజేంద్రన్ నిర్మిస్తున్నారు
కె.నిరవ్ షా సినిమాటోగ్రఫీ అందిస్తోన్న ఈ సినిమాకు ముత్తురాజ్ ప్రొడక్షన్ డిజైనర్‌గా వర్క్ చేస్తున్నారు. ఈ బయోపిక్ లాంఛ్ ఈవెంట్‌లో ఇళయరాజా పాల్గొన్నారు. ఇంకా డైరెక్టర్ వెట్రిమారన్, త్యాగరాజన్ కుమారరాజా సహా పలువురు సినీ ప్రముఖులు పాల్గొన్నారు. ఈ సందర్భంగా ధనుశ్ మాట్లాడుతూ.. చిన్నప్పటి నుంచి ఇళయరాజా పాటలు విని పెరిగిన నేను ఆయన పాత్రలో నటించే అవకాశం రావడం తన అదృష్టమన్నారు.
