Naveen Polishetty Next Movie Udpate: ఏజెంట్ సాయి శ్రీనివాస ఆత్రేయ సినిమాతో నవీన్ పొలిశెట్టి హీరోగా తెలుగు ప్రేక్షకులకు పరిచయమయ్యారు. మొదటి సినిమాతోనే నవీన్ పేరు ఇండస్ట్రీలో మారుమ్రోగింది. అనుదీప్ కె.వి దర్శకత్వంలో జాతి రత్నాలు సినిమాతో కూడా బ్లాక్ బస్టర్ అందుకున్న నవీన్ దాదాపు రెండేళ్ల గ్యాప్ తర్వాత ఈ మధ్యనే మిస్ శెట్టి మిస్టర్ పొలిశెట్టి సినిమాతో మళ్లీ ప్రేక్షకుల ముందుకి వచ్చారు.
ఆ సినిమాలో స్టార్ హీరోయిన్ అనుష్క కి జంటగా నటించిన నవీన్ పొలిశెట్టి ఆ తర్వాత మళ్లీ వెండితెరపై కనిపించలేదు. కానీ అభిమానులు మాత్రం నవీన్ పొలిశెట్టి సినిమాల కోసం ఆసక్తిగా ఎదురుచూస్తున్నారు. నవీన్ హీరోగా అనగనగా ఒక రాజు అనే సినిమా ప్రకటించారు కానీ అసలు ఆ సినిమా షూటింగ్ పూర్తి అయిందో లేదో కూడా ఇంకా తెలియడం లేదు.
సితార బ్యానర్ లో తెరకెక్కుతున్న ఈ సినిమా గురించిన అప్డేట్స్ బయటకు రావడం లేదు. మరోవైపు నవీన్ పొలిశెట్టి కూడా తన మిగతా సినిమాల గురించి నోరు విప్పడం లేదు. ఆఖరికి సోషల్ మీడియాలో కూడా యాక్టివ్ గా ఉండే నవీన్ పొలిశెట్టి ఈమధ్య అక్కడ కూడా కనిపించడం లేదు.
దీంతో అసలు నవీన్ పొలిశెట్టి కి ఏమైంది? ఏమై పోయాడు? ఏం చేస్తున్నాడు? అని అభిమానులు ఆందోళన చెందుతున్నారు. నవీన్ పొలిశెట్టి సినిమాలకి మంచి ఫ్యాన్ బేస్ ఉంది. ఇలాంటి సమయంలో నవీన్ తన సినిమాల విషయంలో ఇంత ఆలస్యం చేయడం ఏమాత్రం మంచిది కాదని కొందరు చెబుతున్నారు.
తనకంటూ మంచి పేరు తెచ్చుకున్న నవీన్ పొలిశెట్టి ఇకనైనా తన స్పీడ్ పెంచి సినిమాల విషయంలో స్పీడ్ పెంచితే కచ్చితంగా మంచి విజయాలను అందుకుంటాడు అని ఇండస్ట్రీ పెద్దలు చెబుతున్నారు. క్రేజ్ ఉన్నప్పుడే వరుసగా సినిమాలు చేస్తే బాగుంటుందని అప్పుడే హీరోగా తన కెరియర్ మలుపులు తిరిగే అవకాశం ఉందని వారి వాదన.
అభిమానులు కూడా నవీన్ నెక్స్ట్ సినిమాల గురించి అప్డేట్స్ తెలుసుకోవాలని చాలా ఆసక్తిగా ఎదురుచూస్తున్నారు. మరి ఇకనైనా నవీన్ పొలిశెట్టి తన కెరియర్ విషయంలో కళ్ళు తెరిచి జాగ్రత్తగా ప్లాన్ చేసుకుంటాడో లేదో చూడాలి. మరోవైపు బాలీవుడ్ రామాయణంలో నవీన్ కి లక్ష్మణుడి పాత్ర పోషించే అవకాశం వచ్చిందని కూడా వార్తలు వినిపించాయి కానీ అధికారిక ప్రకటన మాత్రం ఇంకా వెలువడలేదు.
Also Read: Telangana: ఆనాడే అత్యంత ధనిక సీఎం కేసీఆర్‌.. ఆయనకు హెలికాప్టర్‌ ఎక్కడిది?
Also Read: KT Rama Rao: కేటీఆర్‌కు మరో ప్రతిష్ఠాత్మక ఆహ్వానం.. కవిత అరెస్ట్‌తో వెళ్తారా లేదా?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
