Car Plunges Into Canal 7 Life Ends: తెలంగాణలో ఘోర రోడ్డు ప్రమాదం చోటుచేసుకుంది. అదుపు తప్పిన కారు కాలువలోకి దూసుకెళ్లడంతో ఏడుగురు దుర్మరణం పాలయ్యారు. ఈ సంఘటన మెదక్ జిల్లా శివంపేట మండలం ఉసిరికపల్లి గ్రామం వద్ద జరిగింది.
తెలంగాణలో బుధవారం మధ్యాహ్నం ఘోర రోడ్డు ప్రమాదం సంభవించింది. ప్రమాద తీవ్రత అక్కడ భయానక దృశ్యాలు గగుర్పొడిచాయి.
రోడ్డుపై ఉన్న గుంతను తప్పించే క్రమంలో కారు అదుపు తప్పి అతివేగంగా కాలువలోకి దూసుకెళ్లి బోల్తా పడింది.
ఈ సంఘటన మెదక్ జిల్లా శివంపేట మండలం ఉసిరికపల్లి - రత్నాపూర్‌ గ్రామాల సమీపంలో చోటుచేసుకుంది.
ఎగిరి కాలువలోకి దూసుకెళ్లడంతో కారు నీటిలో మునిగింది. కారులో ఉన్న ఏడుగురు చిక్కుకున్న వారు నీటిలో మునిగి మృతి చెందారు.
మృతుల్లో నలుగురు మహిళలు, ఇద్దరు బాలికలు, ఓ వ్యక్తి ఉన్నారు. మృతులంతా పాముబండ తండాకు చెందిన వారిగా గుర్తించారు.
గుంతను తప్పించబోయి కల్వర్టును ఢీకొట్టడంతో ప్రమాదం జరిగిందని సమాచారం. సమాచారం అందుకున్న పోలీసులు ఘటనా స్థలాన్ని సందర్శించి వివరాలు సేకరించారు.
