sushant singh rajput death effect: న్యూఢిల్లీ: బాలీవుడ్ దివంగత యువనటుడు సుశాంత్ సింగ్ రాజ్‌పుత్ ( sushant singh rajput ) ఆత్మహత్య చిత్ర పరిశ్రమను ఇంకా వెంటాడుతునే ఉంది. బాలీవుడ్‌లో నెపోటిజం ( Nepotism) వల్లనే సుశాంత్ ఆత్మహత్య చేసుకున్నాడని పలువురు ప్రముఖులపై ఫ్యాన్స్, కుటుంబసభ్యులు ఆరోపిస్తున్నారు. ఈ క్రమంలో సుశాంత్ ఆత్మహత్య కేసును కేంద్ర ప్రభుత్వం ఇప్పటికే సీబీఐ దర్యాప్తునకు అప్పగించింది. విచారణ కూడా ముమ్మరంగా సాగుతోంది. ప్రస్తుతం దీని ప్రభావం మహేష్ భట్ దర్శకత్వం వహిస్తున్న సడక్ 2 సినిమాపై పడింది. ఈ సడక్ 2 సినిమాలో బాలీవుడ్ నటుడు సంజయ్‌దత్ (Sanjay Dutt), అలియా భట్ ( Alia Bhatt ), ఆదిత్యారాయ్‌కపూర్ లీడ్‌ రోల్స్‌లో నటిస్తున్నారు. అయితే.. ఈ సినిమా ట్రైలర్‌ను చిత్రబృందం రెండు రోజుల క్రితం విడుదల చేసిన విషయం తెలిసిందే. ట్రైలర్ వచ్చిరాగానే.. గంట‌ల వ్య‌వ‌ధిలోనే యూట్యూబ్‌లో ఇప్పటివరకు ఎనిమిది మిలియన్ల డిస్ లైకులు వ‌చ్చాయి. ఓ సినిమాకు ఇంత పెద్ద మొత్తంలో డిస్ లైకులు రావ‌డం ఇదే మొద‌టిసారి. Also read: Sadak 2 ట్రైలర్ విడుదల
సుశాంత్ సింగ్ ఆత్మహత్య విషయంపై అలియాభ‌ట్ వివాదాస్ప‌ద కామెంట్ల‌తో వార్త‌ల్లో నిల‌వ‌డం, మ‌రోవైపు మహేష్ భ‌ట్‌పై కూడా ఆరోప‌ణం రావ‌డ‌మే దీనికి కారణమని బాలీవుడ్ వర్గాలు అభిప్రాయపడుతున్నాయి. థ్రిల్లర్ నేపథ్యంలో సాగే ఈ సినిమా ఆగస్టు 28న డిస్నీ ప్లస్‌ హాట్‌స్టార్‌ లో విడుదల కానుంది. 1991లో రిలీజ్ అయిన సడక్ సినిమాకు సీక్వెల్‌గా సడక్ 2 సినిమా వస్తోంది. Also read: Sadak 2: ఒక్కరోజే బ్యాక్ టు బ్యాక్ మూడు పోస్టర్లు విడుదల
అయితే ఈ సినిమాలో సంజయ్ దత్ క్యాబ్ డ్రైవర్‌గా కనిపించనున్నారు. ఇదిలాఉంటే.. రెండు రోజుల క్రితం సంజయ్ దత్ లంగ్ క్యాన్సర్ బారిన పడిన విషయం మనందరికీ తెలిసిందే. ఈ క్రమంలో సడక్ 2 సినిమా రిలీజ్ కానుంది. అయితే ఇప్పుడు సుశాంత్ అభిమానులు సడక్ 2 సినిమా రిలీజ్ అయ్యే హాట్‌స్టార్‌ను అన్ ఇన్‌స్టాల్ చేయాలని నెటిజన్లు ట్రోల్ చేస్తున్నారు. ఈ క్రమంలో 95శాతం డిస్లైక్లు వచ్చిన సడక్ 2పై ఈ ప్రభావం ఎంతవరకు పడుతుందో చూడాలంటే.. ఇంకొన్ని రోజులు ఆగాల్సిందే. Also read: దిశా అప్పుడు న‌గ్నంగా లేదు: ముంబై పోలీసుల క్లారిటీ
