టీమిండియా కెప్టెన్ విరాట్ కోహ్లీ మరో అరుదైన రికార్డును సొంతం చేసుకున్నాడు. దక్షిణాఫ్రికా పర్యటనలో కోహ్లీ మూడు ఫార్మట్లలో కలిపి 871 పరుగులు చేసిన విషయం తెలిసిందే. ఇందులో నాలుగు సెంచరీలు, రెండు అర్థ సెంచరీలు ఉన్నాయి. ఓ విదేశీ పర్యటనలో అత్యధిక పర్యగులు చేసిన కెప్టెన్ల జాబితాలో కోహ్లీ రెండో స్థానంలో నిలిచాడు. అగ్రస్థానంలో సౌతాఫ్రికా మాజీ కెప్టెన్ గ్రేమ్ స్మిత్ ఉండగా.. మూడో స్థానంలో ఆసీస్ దిగ్గజ క్రికెటర్ అలెన్ బోర్డర్ ఉన్నాడు. కాగా సౌతాఫ్రికా పర్యటనలో టీమిండియా విజయం సాధించడంలో విరాట్ కోహ్లీ కీలక పాత్ర పోషించిన విషయం తెలిసిందే.
