Venus Transit 2023 Bad Effect: హిందూ మతశాస్రం ప్రకారం ప్రతి గ్రహానికి ఓ స్వంత ప్రాముఖ్యత ఉంది. ఆనందం, సౌలభ్యం, లగ్జరీ, పని, వినోదం మొదలైన వాటికి కారకంగా శుక్రుడు పరిగణించబడ్డాడు. ఓ వ్యక్తి జాతకంలో శుక్రుని స్థానం బలంగా ఉన్నప్పుడు.. ఆ వ్యక్తి శుభ ఫలితాలను పొందుతాడు. జాతకంలో శుక్రుడు బలహీనంగా ఉన్నప్పుడు.. ఆ వ్యక్తి అనేక సమస్యలను ఎదుర్కోవలసి ఉంటుంది. 2023 ఏప్రిల్ 6 ఉదయం 10.50 గంటలకు వృషభ రాశిలోకి శుక్రుడు ప్రవేశిస్తాడు. శుక్రుడు తన స్వంత రాశి వృషభం లేదా తులా రాశిలో ఉన్నప్పుడు అన్ని రాశి చక్రాల స్థానికులకు దాని ప్రభావాలు భిన్నంగా ఉంటాయి.
జ్యోతిష్యశాస్త్రం ప్రకారం.. శుక్రుడిని అందానికి చిహ్నంగా భావిస్తారు. శుక్ర గ్రహం (Venus Transit 2023) కారణంగా ఓ వ్యక్తి తన జీవితంలో భౌతిక సుఖాలను పొందుతాడు. అంతేకాదు శుక్రుడు శుభంగా ఉన్నప్పుడు.. ఆ వ్యక్తికి గౌరవం, శారీరక మరియు మానసిక ఆనందాలు లభిస్తాయి. ఇది మాత్రమే కాదు వ్యక్తి జాతకంలో రాహు, కేతు మరియు కుజుడు వంటి దుష్ట గ్రహాల ప్రతికూల ప్రభావాలను ఎదుర్కోడు. శుక్రుడు ఎల్లప్పుడూ మంచి ఫలితాలను ఇస్తాడు.
వైదిక జ్యోతిష్య శాస్త్రం ప్రకారం వృషభ రాశిలో శుక్రుడు (Shukra Gochar 2023) సంచరించడం వల్ల మీన రాశి వారికి సమస్యలు పెరగవచ్చు. జ్యోతిష్యుల అభిప్రాయం ప్రకారం మీన రాశి వారికి శుక్ర గ్రహం అశుభకరమైనదిగా పరిగణించబడుతుంది. ఈ రాశి చక్రం యొక్క మూడవ మరియు ఎనిమిదవ ఇంటికి శుక్రుడు అధిపతి. ఇప్పుడు ఈ రాశిచక్రం యొక్క మూడవ ఇంట్లో శుక్రుడు సంచరించబోతున్నాడు. ఈ సమయంలో మీన రాశి వారికి ఉద్యోగ సంబంధిత సమస్యలు ఎదురుకావచ్చు.
జ్యోతిష్య శాస్త్రం ప్రకారం మీన రాశి వారు ప్రమోషన్‌లో అడ్డంకులను ఎదుర్కోవలసి ఉంటుంది. ఈ సమయంలో పనిలో నిర్లక్ష్యం కూడా భారీగా ఉంటుంది. ఇది మాత్రమే కాదు ఈ సమయంలో మీరు ఉద్యోగాలు మారవలసి వస్తుంది. మీన రాశికి చెందిన వారు వ్యాపారంలో నష్టాలను చవిచూడవచ్చు. లేదా వ్యాపారం నెమ్మదిగా సాగుతుంది.
జ్యోతిష్య శాస్త్రం ప్రకారం శుక్ర గ్రహం యొక్క చెడు ప్రభావాలను నివారించడానికి మీన రాశి వారు కొన్ని నివారణలు చేయాలి. శుక్రవారం లక్ష్మీ దేవి మరియు కుబేరునికి హవనాన్ని ఆచరించాలి. హవన సమయంలో లక్ష్మీ దేవిని పూజించండి. ఆచారాల ప్రకారం లక్ష్మీ దేవికి పూజలు చేయడం ద్వారా మీకు శుక్రుడి శుభ ఫలితాలు లభిస్తాయి.
Also Read: iPhone SE 4 Launch: చౌకైన ఐఫోన్ వస్తోంది.. ధర, ఫీచర్లు తెలిస్తే షాక్!
Also Read: 10th Class Papaer Leak 2023: వాట్సాప్‌లో టెన్త్ క్వశ్చన్ పేపర్ లీక్.. ఆందోళన చేస్తున్న విద్యార్థులు!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
