Sai Durga Tej: డిప్యూటీ సీఎంతో సాయి దుర్గా తేజ్‌ సంబరాలు.. భావోద్వేగంలో మామ అల్లుడు

కేంద్ర ప్రభుత్వ ఉద్యోగుల జీతాలు,పెన్షన్‌లను సవరించడానికి, కేంద్ర ప్రభుత్వం జనవరి 1, 2026 నుండి 8వ వేతన సంఘం సిఫార్సులను పెద్ద ఎత్తున అమలు చేయాలని భావిస్తున్నారు. సాధారణంగా, రెండు పే కమీషన్ల మధ్య దాదాపు 10 సంవత్సరాల గ్యాప్ ఉంటుంది. 7వ వేతన సంఘం పదేళ్ల పదవీకాలం డిసెంబర్ 31, 2025తో ముగియడంతో, తదుపరి వేతన సంఘం నోటిఫికేషన్ కోసం ఉద్యోగులు డిమాండ్ చేస్తున్నారు. 

8వ వేతన సంఘంలో ఫిట్‌మెంట్ ఫ్యాక్టర్‌ను 2.57 నుంచి 3.68కి పెంచాలని కేంద్ర ప్రభుత్వ ఉద్యోగుల డిమాండ్. ఫిట్‌మెంట్ ఫ్యాక్టర్ అనేది ప్రభుత్వ ఉద్యోగుల జీతాలు, పెన్షన్‌లను లెక్కించడానికి ఉపయోగించే సాధారణ గుణకం. 

ఫిట్‌మెంట్ ఫ్యాక్టర్‌ను 3.68కి పెంచుతూ 8వ వేతన సంఘం అమల్లోకి వస్తే 18 స్థాయిల్లోని కేంద్ర ప్రభుత్వ ఉద్యోగుల వేతన విధానంలో గణనీయమైన పెంపు ఉంటుందని భావిస్తున్నారు. ఉదాహరణకు, పే మ్యాట్రిక్స్ లెవల్ 1 ఉద్యోగుల ప్రాథమిక జీతం 7వ వేతన సంఘంలో 18 వేల నుంచి 21 వేలకు పెరగవచ్చు. గరిష్ట వేతనంగా లెవల్ 18లోని ఉద్యోగులకు 2 లక్షల 50 వేల నుంచి 3 లక్షలకు పెరగవచ్చు.

8వ వేతన సంఘం ఏర్పాటుకు సంబంధించిన ప్రభుత్వం ఇంకా ఎలాంటి అధికారిక ప్రకటన చేయలేదు. 8వ వేతన సంఘం అమలు చేసే ఉద్దేశం ఇప్పుడప్పుడే లేదని గత ఏడాది ఆర్థిక శాఖ కార్యదర్శి వెల్లడించారు. ఆ తర్వాత ప్రభుత్వం నుంచి ఎలాంటి సమాచారం రాలేదు. అయితే బడ్జెట్‌లో దీనికి సంబంధించిన ప్రకటన వచ్చే అవకాశం ఉందని తెలుస్తోంది.