Indiramma Housing Scheme: ఎన్నికల్లో కాంగ్రెస్‌ ప్రభుత్వం ఇచ్చిన హామీలను ఒక్కోటిగా నెరవేరుస్తోంది. నేటి నుంచి ఇందిరమ్మ ఇళ్ల లబ్దిదారుల ఎంపిక ప్రక్రియ కూడా మొదలు కానుంది. ఈ నేపథ్యంలో సొంతింటి కల కోసం ఎన్నో ఏళ్లుగా ఎదురు చూస్తున్న వారికి రేవంత్‌ సర్కార్‌ గుడ్‌న్యూస్‌ చెప్పనుంది.
నిన్న డిసెంబర్‌ 5వ తేదీ ఇందిరమ్మ ఇళ్లకు సంబంధించిన యాప్‌ను కూడా ప్రారంభించారు. బుధవారం మంత్రి పొంగులేటి ఇందిరమ్మ ఇళ్లపై కీలక ప్రకటన చేశారు.
ఇందిరమ్మ ఇళ్ల ఎంపిక ప్రక్రియ దీనికి సంబంధించిన డబ్బులు జమాపై మంత్రి బిగ్‌ అప్డేట్‌ ఇచ్చారు. డిసెంబర్‌ 6వ తేదీ నుంచి ఇందిరమ్మ ఇళ్లు లబ్దిదారుల ఎంపిక జరుగుతుందని ప్రకటించారు.
ఇందిరమ్మ ఇళ్లకు సంబంధించిన మొబైల్‌ యాప్‌ తెలుగులో కూడా అందుబాటులో ఉంది. రాష్ట్రంలోని పేదలకు ప్రతి ఒక్కరికీ సొంతింటి కల నెరవేర్చేందకు ఇందిరమ్మ ఇళ్లు మంజూరు చేస్తున్నామని నిన్న సీఎం రేవంత్‌ చెప్పారు.
ఈ ప్రక్రియను అవినీతికి తావులేకుండా, శరవేగంగా అమలు చేసేందుకు తగిన జాగ్రత్తలు కూడా తీసుకున్నామని మంత్రి పొంగులేటి చెప్పారు.
ఇందిరమ్మ ఇళ్ల ద్వారా మంజూరు చేసే రూ.5,00,000 నాలుగు దశల్లో మంజూరు చేయనున్నారు. మొదట స్థలం ఉన్నవారికి ఇళ్లు కట్టిస్తారు. వారి ఖాతాల్లో నేరుగా డబ్బు జమా అవుతుంది.
ఈ పథకంలో మొదటగా మహిళలు, దివ్యాంగులు, ఒంటరి మహిళలకు ప్రాధాన్యత ఇవ్వనున్నారు. పేదల కలల సాకారం చేసే ఈ పథకంలో ఇందిరమ్మ మోడల్‌ హౌస్‌ల నిర్మాణాన్ని చేపడతామని మంత్రి పొంగులేటి ప్రకటించారు.
