Pooja Hegde: పూజా హెగ్డే నిన్న మొన్నటి వరకు తెలుగులో నెంబర్ వన్ కథానాయికగా సత్తా చాటింది. అంతేకాదు టాలీవుడ్ అగ్ర హీరోల ఫస్ట్ ఛాయిస్ గా బుట్టబొమ్మనే ఉండేది. ఆమె యాక్ట్ చేస్తే సినిమా హిట్ అనేంతగా పాపులారిటీ సంపాదించింది. ఆ తర్వాత ఒక్కసారిగా అంతా రివర్స్ అయింది. ఆ తర్వాత ఆమె యాక్ట్ చేసిన ప్రతి సినిమా ఫ్లాప్ అవుతూ ఐరన్ లెగ్‌ అనే ముద్ర పడింది. వరుస ఫ్లాపులతో డీలా పడింది.
పూజా హెగ్డే విషయానికొస్తే.. స్వతహాగా కన్నడ భామ అయిన తమిళ చిత్రం 'మూంగముడి'తో వెండితెకు పరిచయం అయింది. ఈ మూవీ బాక్సాఫీస్ దగ్గర పర్వాలేదనిపించింది.
టాలీవుడ్ లో అక్కినేని నాగ చైతన్య హీరోగా నటించిన 'ఓ లైలా కోసం'మూవీతో గ్రాండ్ ఎంట్రీ ఇచ్చింది. ఇక వరుణ్ తేజ్ హీరోగా పరిచయమైన 'ముకుందా' సినిమాలో గోపికమ్మగా మంచి నటనే కనబరిచింది.
హరీష్ శంకర్ డైరెక్షన్ లో అల్లు అర్జున్ హీరోగా నటించిన 'దువ్వాడ జగన్నాథం' సినిమాతో స్టార్ హీరోయిన్‌గా పూజా హెగ్డే ఫేట్ మారింది. ఆ తర్వాత అగ్ర హీరోల సరసన ఫస్ట్ ఛాయిస్ అయింది. దాదాపు యంగ్ టాలీవుడ్ స్టార్స్ సరసన నటించింది.
ప్రభాస్‌తో చేసిన 'రాధే శ్యామ్' నుంచి బుట్టబొమ్మకు బ్యాడ్ టైమ్ స్టార్ట్ అయింది. ఆ తర్వాత బీస్ట్, ఆచార్య వంటి వరుస ఫ్లాపులతో ఈమె స్టార్‌డమ్ పై నీలి నీడలు కమ్ముకున్నాయి.
అటు హిందీలో చేసిన 'సర్కస్’, సల్మాన్ ఖాన్‌తో చేసిన 'కిసీ కా భాయ్ కిసీ కా జాన్' మూవీల ఫ్లాపులతో అక్కడ స్టార్ డమ్ తగ్గింది.
ప్రస్తుతం ఈమె షాహిద్ కపూర్ సరసన ‘దేవ’ సినిమాలో నటిస్తోంది. ఈ ఒక్క సినిమానే ఈ భామ చేతిలో ఉంది. ఈ మూవీ ఫ్లాపైతే ఈ అమ్మడికి కెరీర్ ఖతం అయినట్టే అని చెప్పాలి.
ఇక రష్మిక, శ్రీలీల ఎంట్రీతో బడా హీరోలకు పూజా హెగ్డే ఆనడం లేదనే చెప్పాలి. ఏది ఏమైనా పూజా హెగ్డేకు అర్జంట్ గా ఓ హిట్ కావాలి. మరి దక్కుతుందా లేదా అనేది కాలమే నిర్ణయిస్తోంది.
