Most Expensive Players In WPL: ఐపీఎల్ మెగా వేలం ఉత్కంఠ జరగ్గా.. నేడు మరో వేలానికి రంగం సిద్ధమైంది. వుమెన్స్ ప్రీమియర్ లీగ్ (WPL) మినీ వేలం ఆదివారం నిర్వహించనున్నారు. బెంగళూరులో మధ్యాహ్నం 3 గంటల నుంచి ప్రారంభం కానుంది. వేలంలో 120 మంది క్రికెటర్లు ఉండగా.. అందులో భారత్ నుంచి 92 మంది ఉన్నారు. మొత్తం 5 జట్లలో 19 స్లాట్లు మాత్రమే ఖాళీగా ఉన్నాయి. వేలంలో హీథర్ నైట్, లీ తహుహూ, డియోండ్ర డాటిన్, స్నేహ్ రాణా, పూనమ్ యాదవ్, వేద కృష్ణమూర్తి వంటి స్టార్ ప్లేయర్లు ఉన్నారు. WPL చరిత్రలో అత్యంత ఖరీదైన ప్లేయర్లపై ఓ లుక్కేయండి.
స్టార్ ఓపెనర్ స్మృతి మంధాన WPL చరిత్రలో అత్యధిక ధర దక్కించుకున్న ప్లేయర్‌గా ఉన్నారు. రాయల్ ఛాలెంజర్స్ బెంగళూరు ఆమెకు రూ.3.4 కోట్లు ఆఫర్ చేసింది.
ఆసీస్ స్టార్ ప్లేయర్ ఆష్లీ గార్డనర్‌ను గుజరాత్ జెయింట్స్ రూ.3.20 కోట్లకు కొనుగోలు చేసింది.
ఇంగ్లాండ్ స్టార్ ప్లేయర్ నటాలీ రూత్ స్కివర్ బ్రంట్‌ కోసం ముంబై ఇండియన్స్ రూ.3.20 కోట్లు ఖర్చు చేసింది.
టీమిండియా స్టార్ ఆల్ రౌండర్ దీప్తి శర్మను యూపీ వారియర్స్ ఫ్రాంచైజీకి రూ.2.60 కోట్లకు దక్కించుకుంది.
స్టార్ బ్యాటర్ జెమిమా రోడ్రిగ్స్‌ కోసం ఢిల్లీ క్యాపిటల్స్ రూ.2.20 కోట్లు వెచ్చించింది.
ఆస్ట్రేలియా స్టార్ ప్లేయర్ బెత్ మూనీని గుజరాత్ జెయింట్స్ రూ.2 కోట్లకు కొనుగోల చేసింది.
ఓపెనర్ షఫాలీ వర్మను ఢిల్లీ క్యాపిటల్స్ రూ.2.00 కోట్లకు తీసుకుంది.
భారత స్టార్ ఆల్ రౌండర్ పూజా వస్త్రాకర్‌ రూ.1.9 కోట్లకు ముంబై ఇండియన్స్ అమ్ముడుపోయారు.
