Dhanteras 2022: దీపావళికి ముందు ధంతేరాస్ (ధనత్రయోదశి) పండుగ వస్తుంది. ఈ రోజున షాపింగ్ చేయడం శుభప్రదంగా భావిస్తారు. ఇవాళ లక్ష్మీదేవితోపాటు కుబేరుడు, ధన్వంతరిని పూజిస్తారు. ఈ ఏడాది ధనత్రయోదశి (Dhanteras 2022) అక్టోబరు 23న వచ్చింది. ఈరోజు నుంచే ఇంటిని శుభ్రం చేయడం, అలంకరించడం మెుదలుపెడతారు. ప్రజలు ఈ రోజున కొత్త వస్తువులను కొనుగోలు చేసి ఇంటికి తీసుకువస్తారు. అయితే ఈ సమయంలో చేసే కొన్ని తప్పులు వల్ల పూర్తి ప్రయోజనం పొందలేకపోతారు.
పొరపాటున కూడా ఈ పనులు చేయకండి...
>> ధన్తేరస్ రోజున ప్రజలు తరచుగా కుబేరుడిని మాత్రమే పూజిస్తారు. అయితే ఇలా చేయడం తప్పు. ఈ రోజున కుబేరునితో పాటు లక్ష్మీ దేవిని మరియు ధన్వంతరిని పూజించండి. ఇలా చేయడం వల్ల మాత్రమే శుభ ఫలితాలు పొందుతారు మరియు ధన, ధాన్యాల కొరత ఉండదు.
>> ధంతేరస్ నాడు ఇంట్లో ఉంచిన చెత్త మరియు పాడైన వస్తువులను తీసివేసి స్థలాన్ని శుభ్రం చేయండి. లేకపోతే ఇంట్లో నెగెటివ్ ఎనర్జీ వ్యాపించే అవకాశం ఉంది. ఇంటి ప్రధాన ద్వారం వద్ద మురికి ఉండకూడదు, ఈ ప్రదేశం ఎల్లప్పుడూ శుభ్రంగా ఉండాలి, ఎందుకంటే ఈ ప్రదేశం నుండి లక్ష్మీదేవి ఇంట్లోకి వస్తుంది.
>> ప్రజలు ధన్‌తేరస్‌లో భారీగా షాపింగ్ చేస్తారు. అయితే, ధంతేరస్ రోజు మొత్తం షాపింగ్ చేయవద్దు. షాపింగ్‌కు ప్రత్యేక సమయమంటూ ఉంది. దాని ప్రకారం కొనుగోలు చేస్తే బాగుంటుంది. ఈ రోజు కొత్తిమీర, చీపురు, కలశం, పాత్రలు మరియు బంగారం మరియు వెండి వస్తువులను కొనుగోలు చేయడం శుభప్రదంగా భావిస్తారు.
>> ధంతేరస్ రోజున నిద్రించడం వల్ల మీ ఇంట్లోకి దారిద్ర్యం వస్తుంది. ఈ రోజు వీలైతే రాత్రి పూట జాగరణ చేయండి. ఇలా చేయండ వల్ల మీకు పూజ ఫలం లభిస్తుంది.
>> ధనత్రయోదశి షాపింగ్ రోజుగా పరిగణించినప్పటికీ, ఈ రోజున ఇనుముతో చేసిన వస్తువులను కొనుగోలు చేయడం శుభప్రదంగా కాదు. ఇలా చేయడం వల్ల ఇంట్లో పేదరికం తాండవిస్తోందని నమ్ముతారు.
Also read: Shani Budh Margi 2022: శని-బుధ గ్రహాల ప్రత్యక్ష సంచారం.. ఈ 4 రాశులవారికి ఊహించని ధనలాభం!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
