TS Budget 2022: భారీ అంచనాల నడుమ వార్షిక బడ్జెట్ను ప్రవేశపెట్టింది తెలంగాణ ప్రభుత్వం. రూ.2.56 లక్షల కోట్లుతో ఆర్థిక మంత్రి హరీశ్ రావు నేడు అసెంబ్లీలో రాష్ట్ర బడ్జెట్ను ప్రవేశపెట్టారు. వ్యవసాయం, ఆసరా పెన్షన్లు, డబుల్ బెడ్రూం, దళితబంధు వంటి వాటికి భారీ కేటాయింపులతో పద్దు ప్రవేశపెట్టారు మంత్రి హరీశ్ రావు.
బడ్జెట్ హైలైట్స్..
గతంలో ఇచ్చిన హామీకి తగ్గట్లు దళిత బంధు పథకానికి భారీగా నిధులు పెంచింది ప్రభుత్వం. ఈ సారి బడ్జెట్లో రూ.17,700 కోట్లు కేటాయించినట్లు ఆర్థిక మంత్రి హరీశ్రావు పేర్కొన్నారు.
అత్యధికంగా వ్యవసాయ రంగానికి రూ.24,254 కోట్లు కేటాయించింది ప్రభుత్వం. ఆసరా పెన్షన్ పథకం కోసం రూ.11,728 కోట్లు కేటాయిస్తూ నిర్ణయం తీసుకుంది.
- కళ్యాణ లక్ష్మీ, షాది ముబారక్కు రూ.2750 కోట్లు కేటాయింపు.
- డబుల్ బెడ్రూమ్ ల కోసం రూ.12000 కోట్లు ఖర్చు చేయనున్నట్లు ప్రభుత్వం వెల్లడించింది.
- ఎస్టీల సంక్షేమం కోసం రూ.12565 కోట్లు, బీసీ సంక్షేమం కోసం రూ.5698 కోట్లు కేటాయిస్తూ ప్రభుత్వం నిర్ణయం తీసుకుంది.
- మన ఊరు- మన బడికోసం రూ.7289 కోట్లు, పట్టణ ప్రగతి కోసం రూ.1394 కోట్లు, పల్లె ప్రగతికోసం రూ.3330 కోట్ల చొప్పున కేటాయింపులు చేసింది ప్రభుత్వం.
- ఫారెస్ట్ యూనివర్సిటీ కోసం రూ.100 కోట్లు, హరితహారంకు రూ.932 కోట్లు కేటాయించింది ప్రభుత్వం.
- పట్టణ, గ్రామీణ ప్రాంతాల రోడ్లు, భవనాల అభివృద్ధికోసం కోసం రూ.1542 కోట్లు కేటాయించినట్లు బడ్జెట్ 2022లో ఉంది.
- అర్బన్ మిషన్ భగీరథకు ఈసారి బడ్జెట్లో రూ.800 కోట్లు కేటాయిస్తూ ప్రభుత్వం నిర్ణయం తీసుకుంది.
- మెట్రో అభివృద్ధికోసం ప్రభుత్వం భారీగా కేటాయింపులు చేసింది. ఎయిర్పోర్ట్తో మెట్రో కనెక్టవిటీ కోసం రూ.500 కోట్లు, మొత్తం మెట్రో ప్రాజెక్టు కోసం మరో రూ.1,500 కోట్లు కేటాయించిస్తున్నట్లు తెలిపింది.
- మెట్రోతో పాటు ఆర్టీసీని కూడా మరింత బలోపేతం చేసేందుకు బడ్జెట్లో రూ.1,500 కోట్లు కేటాయించాలని ప్రభుత్వం నిర్ణయించింది.
Also read: Telangana Budget Session: తొలిరోజే బీజేపీ ఎమ్మెల్యేల సస్పెన్షన్.. సమావేశాలు ముగిసేంతవరకూ వేటు..
Also read: elangana Budget 2022: బడ్జెట్ ప్రవేశపెట్టిన హరీశ్రావు.. రూ.2.56 లక్షల కోట్ల‌తో బడ్జెట్!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
