హైదరాబాద్‌: ఇటీవల తెలంగాణలో కానిస్టేబుల్ పోస్టులకు ఎంపికైన అభ్యర్థులకు ఈ నెల 7 నుంచి ధ్రువపత్రాల పరిశీలన జరుగుతుందని సైబరాబాద్ సీపీ వీసి సజ్జనార్ తెలిపారు. రంగారెడ్డి జిల్లా సైబరాబాద్ కమిషనరేట్‌ పరిధిలో ఎస్‌సీటీ పీసీ సివిల్‌, ఏఆర్‌, ఎస్‌ఏఆర్‌పీసీఎల్‌, టీఎస్‌ఎస్‌పీ, ఎస్‌పీఎఫ్‌, ఫైర్‌, జైళ్ల శాఖ కానిస్టేబుల్, మెకానిక్‌, డ్రైవర్‌ పోస్టులకు ఎంపికైన వారు తమ ధృవపత్రాలతో 7, 9, 10, 11 తేదీల్లో గచ్చిబౌలిలోని సైబరాబాద్ కమిషనరేట్‌ పరేడ్‌ మైదానంలో వెరిఫికేషన్‌కు హాజరుకావాలని పేర్కొన్నారు.
మరిన్ని ఇతర వివరాలకు అధికారిక వెబ్‌సైట్ www.cyberabadpolice.gov.in లోకి లాగిన్ అవ్వాల్సిందిగా సైబరాబాద్ సీపి విసి సజ్జనార్ సూచించారు.
