HYD CHILD: హైదరాబాద్ బంజారాహిల్స్ పీఎస్ పరిధిలో దారుణం జరిగింది. డీఏవీ పబ్లిక్ స్కూల్‌లో 4 ఏళ్ల చిన్నారిపై ప్రిన్సిపల్ కారు డ్రైవర్ అఘాయిత్యానికి పాల్పడ్డాడు. గత రెండు నెలలుగా లైంగిక వేధింపులకు పాల్పడుతున్నట్లు తెలుస్తోంది. చిన్నారి ప్రవర్తనలో మార్పు రావడాన్ని తల్లిదండ్రులు గుర్తించారు. చివరకు విషయం తెలుసుకుని డ్రైవర్ రజినికుమార్‌ను బాధితురాలి తల్లిదండ్రులు, బంధువులు చితక బాదారు. దీనిపై స్థానిక పోలీస్ స్టేషన్‌లో ఫిర్యాదు చేశారు. నిందితుడిని కఠినంగా శిక్షించాలని డిమాండ్ చేస్తున్నారు.
