Bangladesh Accident: బంగ్లాదేశ్‌లో ఘోర పడవ ప్రమాదం..24 మంది మృతి..పలువురు గల్లంతు..!

Bangladesh Accident: సిరియా తీరంలో ఘోర ఘటన మరవకముందే బంగ్లాదేశ్‌లో మరో ప్రమాదం చోటుచేసుకుంది. మృతుల సంఖ్య పెరిగే అవకాశం ఉంది.

Bangladesh Accident: బంగ్లాదేశ్‌లో ఘోర పడవ ప్రమాదం జరిగింది. ఈ ఘటనలో 24 మంది అక్కడికక్కడే మృతి చెందారు. మరో 30 మంది గల్లంతు అయ్యారు. పంచగఢ్ జిల్లా కరాటోవ నదిలో పడవ బోల్తా పడింది. ఘటనాస్థలిలో సహాయక చర్యలు కొనసాగుతున్నాయి. గల్లంతు అయిన వారి కోసం ముమ్మరంగా గాలిస్తున్నారు. బోదేశ్వరి ఆలయ దర్శనానికి బోధ, పంచ్‌పిర్, మరియా, బంఘారీ ప్రాంతాలకు చెందిన యాత్రికులు పడవలో బయలు దేరారు.

కరాటోవ నదిపై ఆలిగఢ్‌ ప్రాంతానికి చేరుకోగానే పడవ ఒక్కసారి అదుపు తప్పి..బోల్తా పడింది. ఈఘటనను ముందే పసిగట్టిన యాత్రికులు ఈదుకుంటూ ఒడ్డుకు చేరారు. చిన్నారులు, మహిళలు మాత్రం నదిలోనే మునిగిపోయారు. ఇప్పటివరకు 24 మృతదేహాలను వెలికి తీశారు. గల్లంతు అయిన 30 మంది విస్తృతంగా గాలిస్తున్నారు. పడవలో పరిమితికి మించి యాత్రికులు ఎక్కడం వల్లే ప్రమాదం జరిగినట్లు తెలుస్తోంది. ఘటనపై పోలీసులు అన్ని కోణాల్లో దర్యాప్తు చేస్తున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.