બાપ..રે..બાપ.. આટલું બધુ મોંઘુ થઇ ગયું સોનું, લગ્નની સિઝન પહેલાં લોકોનું ટેન્શન વધી ગયું

Gold-Silver Price Today: ગ્લોબલ ટેંશનથી સોનાના ભાવ (gold price) સતત વધતા જાય છે. આજે પણ સોનાએ સ્થાનિક બજારમાં નવો રેકોર્ડ બનાવી લીધો છે. લગ્નની સીઝન પહેલાં સોનાના ભાવમાં તેજી છે. આજે ગોલ્ડનો ભાવ 70,000 ની નજીક પહોંચી ગયું છે. મલ્ટી કોમોડિટી એક્સચેંજ પર ગોલ્ડની કિંમત શરૂઆતમાં 69,699 ના લેવલ પર ઓપન થઇ. 

10 વાગ્યાની આસપાસ મલ્ટી કોમોડિટી એક્સચેંજ પર સોનાનો ભાવ 69415 રૂપિયા પ્રતિ ગ્રામ પર છે. સોનાના ભાવમાં આજે 0.71 ટકાની તેજી જોવા મળી રહી છે. આ ઉપરાંત ચાંદીનો ભાવ આજે 1.33 ટકાની તેજી સાથે 78058 રૂપિયા પ્રતિ કિલોગ્રામ પર છે. 

ગ્લોબલ બજારોમાં રેકોર્ડ પર ગોલ્ડ
ઇન્ટરનેશનલ માર્કેટની વાત કરીએ તો ગોલ્ડનો ભાવ અહીં પણ રેકોર્ડ લેવલ પર ટ્રેડ કરી રહ્યો છે. કોમેક્સ પર સોનાના ભાવ પહેલીવાર 2300 ડોલર પ્રતિ ઔંસને પાર નિકળી ગયા છે. ગત 7 દિવસમાં સોનાના ભાવ લગભગ 120 ડોલર સુધીનો વધારો જોવા મળ્યો છે. 

કયા કારણોથી વધી રહ્યા છે ભાવ? 
મિડલ ઇસ્ટમાં વધતા જતા તણાવના લીધે હાલ સેફ રોકાણની ડિમાન્ડ ખૂબ વધી રહી છે. આ તણાવોના લીધે રોકાણકારો સોનાની તરફ વળ્યા છે. આ સાથે જ ફેડ રિઝર્વ તરફથી વ્યાજ દર ઘટાડવાની આશા પણ જોવા મળી રહી છે. આ બંને ગ્લોબલ ટ્રિગર્સના લીધે ગોલ્ડના ભાવમાં ખૂબ બૂસ્ટ જોવા મળી રહી છે. 

કેવી રીતે જાણો સોનાની શુદ્ધતા
ISO (Indian Standard Organization) દ્વારા સોનાની શુદ્ધતા જાણવા માટે હોલ માર્ક આપવામાં આવે છે. 24 કેરેટ સોનાના આભૂષણ પર 999, 23 કેરેટ પર 958, 22 કેરેટ પર 916, 21 કેરેટ પર 875 અને 18 કેરેટ પર 750 લખેલું હોય છે. મોટાભાગે સોનું 22 કેરેટમાં વેચાય છે, તો બીજી તરફ લોકો 18 કેરેટનો ઉપયોગ પણ કરે છે. કેરેટ 24 થી વધુ હોતા નથી, અને જેટલા વધુ કેરેટ હશે, સોનું એટલું જ શુદ્ધ કહેવાય છે. 

જાણો 22 અને 24 કેરેટ વચ્ચે શું તફાવત છે?
24 કેરેટ સોનું 99.9% શુદ્ધ અને 22 કેરેટ સોનું લગભગ 91% શુદ્ધ છે. 22 કેરેટ સોનામાં તાંબુ, ચાંદી, જસત જેવી 9% અન્ય ધાતુઓનું મિશ્રણ કરીને જ્વેલરી તૈયાર કરવામાં આવે છે. જ્યારે 24 કેરેટ સોનું શાનદાર હોય છે, તેના દાગીના બનાવી શકાતા નથી. તેથી જ મોટાભાગના દુકાનદારો 22 કેરેટમાં સોનું વેચે છે.

મિસ્ડ કોલથી જાણો કિંમત
22 કેરેટ અને 18 કેરેટ સોનાના દાગીનાના છૂટક દરો જાણવા માટે તમે 8955664433 પર મિસ્ડ કોલ કરી શકો છો. થોડા સમયની અંદર એસએમએસ દ્વારા દરો ઉપલબ્ધ થશે. આ ઉપરાંત, સતત અપડેટ્સ વિશેની માહિતી માટે, તમે www.ibja.co અથવા ibjarates.com ની મુલાકાત લઈ શકો છો.

હોલમાર્કનું રાખો ધ્યાન
સોનું ખરીદતી વખતે લોકોએ તેની ગુણવત્તાને ધ્યાનમાં રાખવી જોઈએ. ગ્રાહકોએ હોલમાર્ક માર્ક જોયા પછી જ ખરીદી કરવી જોઈએ. હોલમાર્ક એ સોનાની સરકારી ગેરંટી છે, બ્યુરો ઓફ ઇન્ડિયન સ્ટાન્ડર્ડ્સ (BIS) હોલમાર્ક નક્કી કરે છે. હોલમાર્કિંગ સ્કીમ બ્યુરો ઓફ ઈન્ડિયન સ્ટાન્ડર્ડ એક્ટ, નિયમો અને નિયમો હેઠળ કામ કરે છે.