Gold Price Today, 1 March 2021: 10,000 રૂપિયાથી વધુ સસ્તું મળી રહ્યું છે સોનું, હવે વધશે ભાવ!

Gold, Silver Rate Update, 1 March 2021: ગત અઠવાડિયે સોના-ચાંદીના ભાવમાં ઉતાર-ચઢાવની સાથે કારોબાર જોવા મળી રહ્યો છે, પરંતુ શુક્રવારે સોનું અને ચાંદી મોટા ઘટાડા સાથે બંધ થઇ. આજે MCX પર સોનાનો એપ્રિલ વાયદા 300 રૂપિયાની મજબૂતી સાથે 46000 રૂપિયા પ્રતિ 10 ગ્રામ ઉપર ખુલ્યો છે. ચાંદીમાં પણ 800 રૂપિયા પ્રતિ કિલોથી વધુ તેજી છે. 

MCX Gold: MCX પર સોનાનો એપ્રિલ વાયદો આજે 300 રૂપિયા પ્રતિ 10 ગ્રામના વધારા સાથે ખુલ્યો, હાલ આ 46040 રૂપિયા પર કારોબાર કરી રહ્યો છે. શુક્રવારે સોનું જોકે સારી બઢત પર કારોબાર કરી રહ્યો હતો, પરંતુ છેલ્લા કલાકોમાં આવેલી વેચાવલીના લીધે 46,000 રૂપિયાની નીચે 45736 રૂપિયા પ્રતિ 10 ગ્રામ પર બંધ થયો. 

ગત અઠવાડિયે સોનું 1165 રૂપિયા સસ્તું થયું
ગત અઠવાડિયે સોનાનો એપ્રિલ વાયદો 46901 રૂપિયા પર બંધ થયો હતો, પરંતુ શુક્રવારે આ 45736 રૂપિયા પ્રતિ 10 ગ્રામ પર બંધ થયો, એટલે કે 1165 રૂપિયા પ્રતિ 10 ગ્રામ સસ્તું થયું. શુક્રવારે MCX સોનું 45611 રૂપિયાના લેવલ સુધી પણ સરક્યું હતું. 

સોનું ઉચ્ચતમ સ્તરથી 10,200 રૂપિયા સસ્તું
ગત વર્ષે કોરોના સંકટના લીધે લોકોએ સોનામાં જોરદાર રોકાણ કર્યું હતું, ઓગસ્ટ 2020માં MCX પર 10 ગ્રામ સોનાનો ભાવ 56191 રૂપિયાના ઉચ્ચતમ સ્તર પર પહોંચી ગયું હતું. ગત વર્ષે સોનાએ 43 ટકાનું રિટર્ન આપ્યું હતું. જો ઉચ્ચતમ સ્તર સાથે તુલના કરીએ તો સોનું 17 ટકા સુધી તૂટી ચૂક્યું છે, સોનું MCX પર 46000 રૂપિયા પ્રતિ 10 ગ્રામના લેવલ પર ટ્રેંડ કરી રહ્યું છે, એટલે કે લગભગ 10,200 રૂપિયા સસ્તું મળી રહ્યું છે. 

ગત અઠવાડિયે સોનાની ચાલ
દિવસ                     સોનું (MCX એપ્રિલ વાયદા)
સોમવાર                    46901/10 ગ્રામ
મંગળવાર                   46802/10 ગ્રામ
બુધવાર                     46522/10 ગ્રામ
ગુરૂવાર                     46241/10 ગ્રામ 
શુક્રવાર                    45736/10 ગ્રામ   

MCX Silver: શુક્રવારે પણ ભારે ઘટાડા બાદ આજે ચાંદીમાં પણ તેજી છે. શુક્રવારે MCX પર ચાંદીના માર્ચ વાયદા 2000 રૂપિયાથી પણ વધુ તૂટી હતી, પરંતુ આજે 800 રૂપિયાની મજબૂતી સાથે શરૂઆત થઇ છે.

ગત અઠવાડિયે ચાંદી 3100 રૂપિયા સસ્તી
ગત અઠવાડિયાની વાત કરીએ તો ચાંદી સોમવારે 70432 રૂપિયા પ્રતિ કિલો પર બંધ થઇ હતી. શુક્રવારે ચાંદી 67261 રૂપિયા પ્રતિ કિલો પર બંધ થઇ છે. એટલે કે ગત અઠવાડિયે ચાંદી 3171 રૂપિયા સસ્તી થઇ છે. શુક્રવારે ચાંદી 66505 રૂપિયા પ્રતિ કિલો પણ સરકી હતી. 

ચાંદી પોતાના ઉચ્ચતમ સ્તરથી 11,900 રૂપિયા સસ્તી
1 ફેબ્રુઆરીના રોજ બજેટના દિવસે MCX પર ચાંદીના માર્ચ વાયદા 74400 રૂપિયા ઉપર જતી રહી હતી. ચાંદી અત્યાર સુધીના ઉચ્ચતમ સ્તર 79,980 પ્રતિ કિલો છે. આ મુજબ ચાંદી પણ પોતાના ઉચ્ચતમ સ્તરથી લગભગ 11,900 રૂપિયા સસ્તી છે. આજે ચાંદીના માર્ચ વાયદા 68066 પ્રતિ કિલો પર ટ્રેડ કરી રહી છે. 

ગત અઠવાડિયે ચાંદીની ચાલ
દિવસ              ચાંદી (MCX - માર્ચ-વાયદા)
સોમવાર               70432/કિલો
મંગળવાર              69341/કિલો
બુધવાર                69543/કિલો
ગુરૂવાર                69276/કિલો  
શુક્રવાર               67261/કિલો
                            (રૂપિયા)

સોના-ચાંદી પર એક્સપર્ટની રાય
Tradebulls Securities ના કરન્સી અને કોમોડિટી સીનિયર રિસર્ચ એનાલિસ્ટ ભાવિક પટેલનું કહેવું છે કે અમેરિકી સંસદએ રાષ્ટ્રપતિ જો બાઇડેનના 1.9 ટ્રિલિયન ડોલરના મહામારી પેકેજને મંજૂરી આપી દીધી છે. અમેરિકી બોન્ડ યીલ્ડ પણ હવે સ્થિર છે. આ પોઝિટિવ સેંટીમેંટથી ગોલ્ડના ભાવમાં રિકવરી જોવા મળી રહી છે. મજબૂત ડોલર અને વધતા બોન્ડ યીલ્ડના લીધે ગત અઠવાડિયે સોનાએ 8 મહિનાના નીચલા સ્તરને અડક્યો. ગોલ્ડ માટે રણનીતિ આ રહેશે કે કોઇપણ ઘટાડામાં ખરીદી કરે, કારણ કે આશા છે કે ગોલ્ડ હજુ મજબૂતી બતાવશે. ગોલ્ડને 45800 રૂપિયા પર ખરીદી શકો છો, 46500 રૂપિયાનો ટાર્ગેટ રાખો, સાથે જ 45500 સ્ટોપલોસ જરૂર લગાવીને ચાલો.