ધનનો ઢગલો હોવા છતાં આજે પણ મુૃકેશ અંબાણીને સતાવે છે કઈ વાતનો ડર? પોતે જ કર્યો ખુલાસો

Mukesh Ambani Birthday: આજે એશિયાના સૌથી ધનિક વ્યક્તિ અને રિલાયન્સ ઇન્ડસ્ટ્રીઝના ચેરમેન અને એમડી મુકેશ અંબાણીનો જન્મદિવસ છે (હેપ્પી બર્થ ડે મુકેશ અંબાણી). મુકેશ અંબાણી આજે 67 વર્ષના થયા છે. ફોર્બ્સના રિપોર્ટ અનુસાર મુકેશ અંબાણીની કુલ સંપત્તિ 115.6 બિલિયન ડોલર છે. મુકેશનું નામ દુનિયાના સૌથી અમીર લોકોની યાદીમાં 11મા નંબર પર છે. તે અબજોપતિઓની યાદીમાં યથાવત છે. મુકેશનો જન્મ 19 એપ્રિલ 1957ના રોજ થયો હતો. પિતા ધીરુભાઈ અંબાણીના અવસાન બાદ મુકેશે કંપનીની સંપૂર્ણ દેખરેખ અને કમાન સંભાળી લીધી છે.

રિલાયન્સનો બિઝનેસ હાલમાં ઘણા સેક્ટરમાં ફેલાયેલો છે. કંપનીનો બિઝનેસ રિટેલ, ફાઇનાન્સ, ટેલિકોમ અને ઓઇલ સહિતના ઘણા ક્ષેત્રોમાં ફેલાયેલો છે. આજે રિલાયન્સ માર્કેટ કેપ રૂ. 19.79 લાખ કરોડ છે. કંપનીએ તાજેતરમાં રૂ. 20 લાખ કરોડનો આંકડો પણ પાર કર્યો છે.

મુકેશ અંબાણીને સતાવે છે કઈ વાતનો ડર?
મુકેશ અંબાણીનો સ્વભાવ એકદમ શરમાળ છે, પરંતુ તેઓ એકદમ સરળ અને સામાન્ય રહે છે. મીડિયાને આપેલા ઈન્ટરવ્યુમાં અંબાણીએ એક વખત કહ્યું હતું કે આજે પણ તેઓ જાહેરમાં બોલતા ડરે છે. આ સિવાય તેમણે આજ સુધી ક્યારેય દારૂને હાથ અડાડ્યો નથી. તેઓ આ પ્રકારના તમામ વ્યસનોથી દૂર રહેવાનું જ પસંદ કરે છે. મુકેશ અંબાણી ભાગ્યે જ મીડિયામાં જોવા મળે છે. એટલું જ નહીં તે સોશિયલ મીડિયા પર પણ ખાસ એક્ટિવ નથી.

અભ્યાસ અધવચ્ચે જ છોડવો પડ્યોઃ
જો મુકેશ અંબાણીના શિક્ષણની વાત કરીએ તો તેમણે બોમ્બે યુનિવર્સિટીમાંથી કેમિકલ એન્જિનિયરિંગમાં ગ્રેજ્યુએશન કર્યું છે. બાદમાં, તેમણે સ્ટેનફોર્ડ યુનિવર્સિટીમાં પ્રવેશ લીધો, પરંતુ તેમના પિતાનો વ્યવસાય સંભાળવા માટે, તેણે અભ્યાસ અધવચ્ચે જ છોડી દીધો અને તેના પિતા સાથે વ્યવસાય વહેંચવાનું શરૂ કર્યું.

1981માં મુકેશ અંબાણી રિલાયન્સ ગ્રુપ સાથે જોડાયાઃ
વર્ષ 1981માં મુકેશ અંબાણીએ પિતા સાથે રિલાયન્સ ગ્રુપમાં પ્રવેશ કર્યો હતો. બાદમાં, વર્ષ 1985 માં, આ કંપનીનું નામ રિલાયન્સ ટેક્સટાઇલ ઇન્ડસ્ટ્રીઝથી બદલીને રિલાયન્સ ઇન્ડસ્ટ્રીઝ લિમિટેડ કરવામાં આવ્યું હતું. આ સાથે, તેમણે ટેલિકોમ ક્ષેત્રમાં વિકાસ કર્યો અને રિલાયન્સ કોમ્યુનિકેશન્સ લિમિટેડની સ્થાપના પણ કરી.

Jio એ કંપનીના તમામ દેવા ચુકવી દીધાઃ
મુકેશ અંબાણીએ વર્ષ 2016માં રિલાયન્સ જિયોની શરૂઆત કરી હતી. રિલાયન્સ લોન્ચ કર્યા પછી, કંપની સંપૂર્ણપણે દેવા મુક્ત થઈ ગઈ. માત્ર 58 દિવસમાં જિયોના પ્લેટફોર્મે 52,124.20 કરોડ રૂપિયાની કમાણી કરી હતી. 31 માર્ચ, 2020 ના રોજ, રિલાયન્સ પર લગભગ 1,61,035 કરોડ રૂપિયાનું દેવું હતું, પરંતુ મુકેશ અંબાણીએ તેમના આયોજન દ્વારા 9 મહિનાથી ઓછા સમયમાં આ દેવું દૂર કર્યું. Jio એ આમાં સૌથી ખાસ ભૂમિકા ભજવી હતી. તાજેતરમાં જ જિયો ફાઇનાન્શિયલના શેર માર્કેટમાં લિસ્ટ થયા છે.

સંતાનો વચ્ચે કરી વ્યાપારની વહેચણીઃ
એક વર્ષ પહેલા એજીએમમાં ​​મુકેશ અંબાણીએ પોતાના બિઝનેસનના અલગ અલગ સેક્ટરની પોતાના બાળકો વચ્ચે વહેચણી કરી હતી. જેમાં મોટા પુત્ર આકાશ અંબાણીને રિલાયન્સ જિયોની કમાન સંભાળવા માટે કહેવામાં આવ્યું છે. એ સાથે જ દિકરી ઈશા અંબાણીને રિલાયન્સ રિટેલની જવાબદારી સોંપી દીધી છે. અનંત અંબાણી ગ્રુપના નવા એનર્જી બિઝનેસને સંભાળી રહ્યા છે.