SBIએ જાહેર કર્યા FD માટેના નવા નિયમ, જાણીને દિલ થઈ જશે ખુશ

નવી દિલ્હી : દેશની સૌથી મોટી બેંક સ્ટેટ બેંક ઓફ ઈન્ડિયા (SBI)એ પોતાના ગ્રાહકો માટે સારા સમાચારની જાહેરાત કરી છે. બેંકે કરેલી જાહેરાત પ્રમાણે 1 અને 2 વર્ષની અવધિવાળી ટર્મ ડિપોઝિટના વ્યાજ દરોમાં 5થી 25 બેસિસ પોઈન્ટ્સનો વધારો કરી દેવામાં આવ્યો છે. નવી નીતિ અનુસાર બેંકે 2થી 3 વર્ષના સમયગાળા માટે કરવામાં આવેલી ફિક્સ્ડ ડિપોઝિટના વ્યાજ દરોમાં પણ વધારો કર્યો છે.

બેંકે કરેલી જાહેરાત પ્રમાણે નવા વ્યાજ દર 1 કરોડ રૂપિયાથી ઓછી કિંમતની એફડી પર 28મી મેથી લાગુ થઈ ચૂક્યા છે. આ નવા વ્યાજ દરોથી વયસ્ક નાગરિકોને સૌથી વધારે ફાયદો થશે. ગયા મહિને પણ એચડીએફસીએ પણ એફડી પર વ્યાજ દર વધાર્યો હતો. હાલના વધારા બાદ પણ એસબીઆઈ અને એચડીએફસી જ સૌથી વધુ વ્યાજ આપી રહી છે.

SBI સિવાય બીજી બેંકોમાં પણ ડિપોઝીટ રેટમાં વધારો થાય એવી પણ શક્યતા છે.