Mumbai Attackની વરસી પર Ratan Tataએ શેર કરી તાજ હોટલની પેઇન્ટિંગ, લખી ભાવુક પોસ્ટ

પાકિસ્તાન (Pakistan)થી આવેલા આતંકવાદીઓએ 12 વર્ષ પહેલાં આજના દિવસે મુંબઇ (Mumbai)ને હચમચાવી દીધું હતું. 26 નવેમ્બર 2008ના રોજ આતંકવાદી હુમલા (26/11 Mumbai Attack)માં આતંકવાદીઓએ તાજ હોટલ સહિત ઘણી જગ્યાઓને ટાર્ગેટ બનાવી હતી.

Updated By: Nov 26, 2020, 03:13 PM IST
Mumbai Attackની વરસી પર Ratan Tataએ શેર કરી તાજ હોટલની પેઇન્ટિંગ, લખી ભાવુક પોસ્ટ

મુંબઇ: પાકિસ્તાન (Pakistan)થી આવેલા આતંકવાદીઓએ 12 વર્ષ પહેલાં આજના દિવસે મુંબઇ (Mumbai)ને હચમચાવી દીધું હતું. 26 નવેમ્બર 2008ના રોજ આતંકવાદી હુમલા (26/11 Mumbai Attack)માં આતંકવાદીઓએ તાજ હોટલ સહિત ઘણી જગ્યાઓને ટાર્ગેટ બનાવી હતી. મુંબઇ હુમલાની વરસી પર ટાટા ગ્રુપના પૂર્વ ચેરમેન રતન ટાટા (Ratan Tata)એ તાજ હોટલની એક પેઇન્ટિંગ શેર કરી છે અને સાથે તેમણે એક ભાવુક પોસ્ટ પણ લખી છે. 

રતન ટાટાની ભાવુક પોસ્ટ
રતન ટાટા (Ratan Tata)એ તાજ હોટલની એક પેઇન્ટિંગ શેર કરી છે, જેના પર લખ્યું છે 'અમને યાદ છે' (We remember).આ સાથે તેમણે પોસ્ટમાં લખ્યું 'આજથી 12 વર્ષ પહેલાં જે વિનાશ થયો, તેને ક્યારે ભૂલી ન શકાય, પરંતુ જે વધુ યાદગાર છે, આ તે દિવસ છે જે આતંકવાદ અને વિનાશને ખતમ કરવા માટે જે પ્રકારે મુંબઇના લોકો તમામ મતભેદોને ભુલાવીને એક સાથે આવ્યા.'

રતન ટાટાએ એકતાના કર્યા વખાણ
તેમણે આગળ લખ્યું 'અમે જેમને ગુમાવ્યા, જેમણે દુશ્મન પર જીત મેળવવા માટે કુરબાનીઓ આપી, આજે અમે જરૂર તેમનો શોક મનાવી શકીએ છીએ. પરંતુ અમે તેને એકતા, દયાળુતા અને તેમના કૃત્યો અને સંવેદનશીલતાની પણ પ્રશંસા કરવી પડશે જે અમે આપણે યથાવત રાખવી જોઇએ અને આશા છે કે આગામી દિવસોમાં તે વધશે જ. 

મૃત્યું પામ્યા હતા લગભગ 160 લોકો
10 આતંકવાદીઓએ દક્ષિણ મુંબઇના પ્રમુખ સ્થળો છત્રપતિ શિવાજી ટર્મિનર (સીએસટી) રેલવે સ્ટેશન, નરીમન હાઉસ કોમ્પ્લેક્સ, લિયોપોલ્ડ કેફે, તાજ હોટલ અને ટાવર, ઓબેરોય-ટ્રાઇડેંટ હોટલ અને કામા હોસ્પિટલને ટાર્ગેટ બનાવી. આ આતંકવાદી હુમલામાં લગભગ 160 લોકોના મોત થયા હતા. જ્યારે 300થી વધુ લોકો ઘાયલ થયા હતા. 60 કલાક સુધી ચાલેલા ઓપરેશન બાદ સુરક્ષાબળો 9 આતંકવાદીઓએ ઠાર માર્યા હતા, જ્યારે એક આતંકવાદી અજમલ આમિર કસાબ જીવતો પકડાયો હતો. 

બિઝનેસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube