રિલાયન્સ ઈન્ડસ્ટ્રીઝના શેર હોલ્ડર માટે મોટી ખુશખબરી! 7 વર્ષ બાદ કંપની આપશે બોનસ શેર

Reliance Industries Limited : મુકેશ અંબાણીની આગેવાની હેઠળની રિલાયન્સ ઇન્ડસ્ટ્રીઝે 1:1ના બોનસ ઇશ્યૂની જાહેરાત કરી છે. એટલે કે એક પર એક શેર. ગુરુવારે કંપનીની બોર્ડ મીટિંગમાં આ પ્રસ્તાવને મંજૂરી આપવામાં આવી હતી. આ શેરધારકોને દરેક શેર માટે એક મફત શેર આપવામાં આવશે. મુકેશ અંબાણી અને તેમના પરિવારના સભ્યોને પણ આ બોનસ શેર મળશે. આ સાથે કંપનીના કુલ બાકી શેર બમણા થઈને રૂ. 1,353.24 કરોડ થશે.

• રિલાયન્સ બોર્ડે એક બોનસ શેર માટે એક ઇશ્યૂ કરવાની મંજૂરી આપી
• સાત વર્ષમાં આ પ્રથમ વખત છે, જ્યારે રિલાયન્સ ઇન્ડસ્ટ્રીઝ બોનસ શેર આપશે
• RIL ચીફ મુકેશ અંબાણીને 80,52,020 બોનસ શેર મળશે

મુકેશ અંબાણીની કંપની રિલાયન્સ ઇન્ડસ્ટ્રીઝ (RIL)ના બોર્ડે ગુરુવારે એક શેરના બદલામાં એક બોનસ શેર આપવાની મંજૂરી આપી હતી. સાત વર્ષમાં આ પ્રથમ વખત છે, જ્યારે કંપની બોનસ શેર આપશે. માર્કેટ કેપિટલાઇઝેશનની દ્રષ્ટિએ રિલાયન્સ દેશની સૌથી મૂલ્યવાન કંપની છે. અગાઉ કંપનીએ સપ્ટેમ્બર 2017માં બોનસ શેરની જાહેરાત કરી હતી. એ જ રીતે, 2009માં 1:1 બોનસ શેર જાહેર કરાયા હતા. બોનસ શેર જાહેર કરવાની રેકોર્ડ તારીખ અલગથી જણાવવામાં આવશે. કંપનીએ 29 ઓગસ્ટના રોજ સ્ટોક એક્સચેન્જને આ પ્રસ્તાવ વિશે જાણ કરી હતી.

મુકેશ અંબાણી અને તેમના પરિવારને કેટલા બોનસ શેર મળશે?
મુકેશ અંબાણી રિલાયન્સ ઇન્ડસ્ટ્રીઝમાં 0.12% હિસ્સો ધરાવે છે, જે 80,52,020 શેરની સમકક્ષ છે. તેમની પત્ની નીતા અંબાણી પાસે પણ આટલા જ શેર છે. તેમના ત્રણ બાળકો ઈશા, આકાશ અને અનંત અંબાણીનો પણ કંપનીમાં સમાન હિસ્સો છે.

1:1ના રેશિયોમાં બોનસ શેર આપવાનો અર્થ છે કે મુકેશ અંબાણીને 80,52,020 બોનસ શેર મળશે. આ રીતે, બોનસ શેર ઇશ્યૂ કર્યા પછી, તેની પાસે કુલ 1,61,04,040 શેર હશે. જો કે, તેના હિસ્સામાં કોઈ ફેરફાર થશે નહીં. તેવી જ રીતે નીતા અંબાણીને પણ 80,52,020 બોનસ શેર મળશે. તેની પાસે કુલ 1,61,04,040 શેર હશે. ઈશા, આકાશ અને અનંત અંબાણીને પણ સમાન સંખ્યામાં બોનસ શેર મળશે.

રિલાયન્સ ઇન્ડસ્ટ્રીઝ બોનસ ઇતિહાસ
Trendlyne ડેટા અનુસાર, હાલમાં રિલાયન્સ ઇન્ડસ્ટ્રીઝના 6,76,62,29,009 એટલે કે 676.62 કરોડ શેર બજારમાં છે. બોનસ શેર ઇશ્યૂ કર્યા પછી, આ સંખ્યા બમણી થઈને રૂ. 1,353.24 કરોડ થશે.

બોર્ડની મંજૂરી બાદ રિલાયન્સ ઇન્ડસ્ટ્રીઝનો આ ત્રીજો બોનસ ઇશ્યૂ છે. અગાઉ 2017માં રિલાયન્સે 1:1ના રેશિયોમાં બોનસ શેર જારી કર્યા હતા. આ પહેલા 2009માં પણ કંપનીએ આ જ રેશિયોમાં બોનસ શેર આપ્યા હતા.