'મને અભિનેતાએ ખાનગીમાં મળવા બોલાવી, પછી એની ઈચ્છા પુરી ના થઈ તો મને ફિલ્મમાંથી કઢાવી નાખી'

નવી દિલ્લીઃ બોલિવૂડ ઈન્ડસ્ટ્રીમાં એવી ઘણી અભિનેત્રીઓ છે જે કાસ્ટિંગ કાઉચનો શિકાર બની છે. કેટલાકે આવીને બધાની સામે આ વિશે ખુલીને વાત કરી, જ્યારે ઘણાએ આ અંગે મૌન સેવ્યું. આવી સ્થિતિમાં હવે બોલિવૂડની જાણીતી અભિનેત્રી ઈશા કોપ્પીકરે પણ કાસ્ટિંગ કાઉચને લઈને મોટો ખુલાસો કર્યો છે. અભિનેત્રીએ કહ્યું કે તેણીને ફિલ્મમાંથી ફક્ત એટલા માટે કાઢી નાખવામાં આવી હતી કારણ કે અભિનેત્રીએ અભિનેતાને ખાનગીમાં મળવાનો સ્પષ્ટ ઇનકાર કર્યો હતો.


ઈશા કોપ્પીકરે 'ક્રિષ્ના કોટેજ', 'એક વિવાહ ઐસા ભી', 'ડી' અને 'ડોન' જેવી ઘણી ફિલ્મોમાં કામ કર્યું હતું. અભિનેત્રી પુનરાગમન કરવા માટે તૈયાર છે અને આ વર્ષે રિલીઝ થનારા કેટલાક પ્રોજેક્ટ્સમાં જોવા મળશે. જુલાઈ 2014માં દીકરી રિયાનાના જન્મ પછી ઈશાએ ઈન્ડસ્ટ્રીમાંથી બ્રેક લીધો હતો. જોકે, બોમ્બે ટાઈમ્સને આપેલા ઈન્ટરવ્યુમાં ઈશાએ કાસ્ટિંગ કાઉચનો સામનો કરવા અંગે ખુલાસો કર્યો હતો.


ન્યૂઝ પોર્ટલ સાથે વાત કરતા ઈશાએ કહ્યું, '2000ના દાયકાના મધ્યમાં, મને એક પ્રખ્યાત નિર્માતા દ્વારા બોલાવવામાં આવી હતો જેણે કહ્યું હતું કે તમારે અભિનેતાઓની સારી પુસ્તકોમાં હોવું જોઈએ. મને ખબર નહોતી કે તેનો અર્થ શું છે. તેથી મેં અભિનેતાને ફોન કર્યો, જેણે મને ખાનગીમાં મળવાનું કહ્યું. મેં પ્રોડ્યુસરને ફોન કરીને કહ્યું કે હું અહીં મારી પ્રતિભા અને દેખાવને કારણે આવી છું અને જો મને તેમાંથી સારું કામ મળી શકે તો તે મારા માટે સારું રહેશે. જે બાદ મને ફિલ્મમાંથી બહાર કરી દેવામાં આવી હતો. અભિનેત્રીએ એ પણ પુષ્ટિ કરી કે મનોરંજન ઉદ્યોગમાં નેપોટિઝમ અસ્તિત્વમાં છે અને કહ્યું કે તેણીએ ઘણું બધું સમાધાન કરવું પડ્યું, જે તેણીએ કર્યું નહીં. આ કારણે ઈશાએ ઘણા પ્રોજેક્ટ છોડી દીધા.