Satish Kaushik ના મૃત્યુ બાદ ફરાર ઉદ્યોગપતિએ તોડ્યું મૌન, આરોપોનો આપ્યો જવાબ
Vikas Malu Statement: સતીશ કૌશિકના મૃત્યુ મામલે આરોપોનો સામનો કરી રહેલા ઉદ્યોગપતિ વિકાસ માલુએ હવે ઈન્સ્ટાગ્રામ પોસ્ટ દ્વારા સ્પષ્ટતા આપી છે. ચાલો જાણીએ વિકાસ માલુએ તેમની પત્નીના આરોપો પર શું કહ્યું?
Trending Photos
- 3
- 12
- 5
- 5
)
Satish Kaushik Death Case: જાણીતા ફિલ્મ કલાકાર અને ડાયરેક્ટર સતીશ કૌશિકના નિધન બાદ અનેક સવાલો ઉભા થયા છે. અચાનક સતીશ કૌશિકનું મોત કેવી રીતે થયું? મૃત્યુના અમુક કલાકો પહેલાં શું બન્યું હતું? સતીશ કૌશિકની સાથે અંતિમ સમયે કોણ કોણ હતું? સતીશ કૌશિકની મોત પાછળ શું છે રહસ્ય...આવા અનેક સવાલો હાલ શંકાના ઘેરામાં છે. જેના પરથી થોડા જ સમયમાં પડદો ઉચકાઈ શકે છે. કારણકે, એક્ટર અને ડિરેક્ટર સતીશ કૌશિકના મોત કેસમાં નવો વળાંક આવ્યો છે. તાજેતરમાં ઉદ્યોગપતિ વિકાસ માલુની પત્ની સાનવીએ તેના પતિ પર ગંભીર આરોપ લગાવ્યા છે. સાન્વીએ વિકાસ માલુ પર સતીશ કૌશિકની હત્યા કરવાનો આરોપ લગાવ્યો છે.
સાનવીએ દાવો કર્યો હતો કે વિકાસ માલુએ 15 કરોડ રૂપિયાના અફેરમાં સતીશ કૌશિકની હત્યા કરી હતી. હવે વિકાસ માલુએ આ અંગે મૌન તોડ્યું છે. વિકાસ માલુએ જણાવ્યું કે સતીશ કૌશિક સાથે તેનો 30 વર્ષથી સંબંધ હતો. લોકોએ કાદવ ફેંકવામાં લાંબો સમય ન લીધો. તેમના પર લગાવવામાં આવેલા આરોપો ખોટા છે. ચાલો જાણીએ શું છે આ સમગ્ર મામલો?
વિકાસ માલુએ મૌન તોડ્યું-
જણાવી દઈએ કે વિકાસ માલુએ હોળી પાર્ટીનો એક વીડિયો શેર કરીને આરોપોનો જવાબ આપ્યો છે. આ વીડિયોમાં સતીશ કૌશિક પણ જોવા મળી રહ્યા છે. તે અંગ્રેજી બીટ ગીત પર ડાન્સ કરતો જોવા મળે છે. આ સિવાય તેની સાથે વિકાસ માલુ અને અન્ય લોકો પણ જોવા મળી રહ્યા છે. આ હોળી પાર્ટીના થોડા કલાકો પછી સતીશ કૌશિકનું અવસાન થયું.
આરોપો પર આ જવાબ આપવામાં આવ્યો હતો-
ઈન્સ્ટાગ્રામ પોસ્ટમાં વિકાસ માલુએ લખ્યું કે છેલ્લા 30 વર્ષથી સતીશ જી અને મારા પારિવારિક સંબંધો છે. લોકોએ મારા નામ પર કાદવ ઉછાળવામાં થોડી જ મિનિટો લીધી. એક સુંદર ઉજવણી પછી, આ દુર્ઘટના બની, જે હું સહન કરી શકતો નથી. હવે હું મારા પર લાગેલા આરોપો પર મારું મૌન તોડું છું. દુર્ઘટના ક્યારેય કહેવાથી આવતી નથી, કોઈ તેને નિયંત્રિત કરી શકતું નથી. હું વિનંતી કરવા માંગુ છું કે દરેકની લાગણીઓનું સન્માન કરો. હું હંમેશા દરેક ઉજવણીમાં સતીશજીને મિસ કરીશ.
સાનવી તેના પતિ વિશે ફરિયાદ કરે છે-
જોકે, અત્યાર સુધી સતીશ કૌશિકના મૃત્યુનું કારણ હાર્ટ એટેક હોવાનું કહેવાય છે. પરંતુ ઉદ્યોગપતિ વિકાસ માલુની પત્ની સાનવીએ અલગ દાવા કર્યા છે. હત્યાની આશંકા વ્યક્ત કરવામાં આવી છે. સાન્વીએ પોતે જ તેના પતિ વિકાસ માલુ વિરુદ્ધ પોલીસમાં ફરિયાદ કરી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
