JIo TRUE 5G: આનંદો! ગુજરાતના દરેક જિલ્લામાં યૂઝર્સને 5G સર્વિસમાં શું ફ્રીમાં મળશે?

Gujarat becomes the First State in India to Get TRUE 5G in All District Headquarters: Jio (JIo) એ આજથી એટલે કે 25 નવેમ્બર 2022 થી ગુજરાતના તમામ 33 જિલ્લાના મુખ્યાલયોમાં 5G ની શરૂઆત કરી છે. Jioની આ પહેલ સાથે ગુજરાત TRUE 5G સેવા પ્રદાન કરતું દેશનું પ્રથમ રાજ્ય બન્યું છે, જે પોતાના તમામ જિલ્લાના હેડક્વોર્ટરમાં Jioની True 5G સેવા ઉપલબ્ધ કરાવે છે. કંપનીએ આ જાણકારી આપી છે.

આ પ્રસંગે રિલાયન્સ જિયો ઇન્ફોકોમ લિમિટેડના ચેરમેન આકાશ એમ અંબાણીએ જણાવ્યું હતું કે અમને જણાવતાં ગર્વ થાય છે કે ગુજરાત દેશનું પ્રથમ રાજ્ય છે, જેનાં તમામ 33 જિલ્લા મથકો Jioના હાઇ-સ્પીડ ટ્રુ 5G નેટવર્કથી જોડાયેલા છે. તેમણે કહ્યું કે કંપની 5G ટેક્નોલોજીનો રિયલ પાવર દેખાડવા માંગે છે. આ સાથે તેમણે એમ પણ કહ્યું કે, Jio 5G સેવા કેવી રીતે અબજો લોકોના જીવનને અસર કરે છે, તેનું પણ પ્રદર્શન કરવા માંગીએ છીએ.

ગુજરાતના દરેક જિલ્લામાં યૂઝર્સને મળશે અમર્યાદિત 1 Gbps+ ડેટા સ્પીડ
Jio વેલકમ ઑફર હેઠળ (Jio Welcome Offer) કંપની વધારાનો ચાર્જ લીધા વિના તેના યૂઝર્સને 1Gbps+ સુધીની અમર્યાદિત 5G ડેટા સ્પીડ પ્રદાન કરે છે. રિલાયન્સ ફાઉન્ડેશન અને જિયો પહેલી પહેલ 'એજ્યુકેશન- ફોર ઓલ' માટે એક સાથે આવ્યા છે. આ પહેલ હેઠળ શરૂઆતમાં ગુજરાતમાં 100 શાળાઓને કનેક્ટિવિટી અને એજ્યુકેશન પ્લેટફોર્મની સાથે ડિજિટાઈઝ કરવામાં આવશે. કંપની ટૂંક સમયમાં શિક્ષણ, આરોગ્યસંભાળ, કૃષિ, ઉદ્યોગ 4.0 અને IOT ક્ષેત્રોમાં પણ સાચી 5G-સેવા પૂરી પાડવા માટે પહેલ કરશે.

અગાઉ, જિયોએ દેશની રાજધાની દિલ્હી સહિત NCRના આસપાસના ભાગોમાં 5G સેવા શરૂ કરી હતી. આ સિવાય કંપનીએ મુંબઈ, પુણે, કોલકાતા, વારાણસી, ચેન્નાઈ, હૈદરાબાદ, બેંગલુરુ અને નાથદ્વારામાં Jio 5G સેવા શરૂ કરી છે.