હવામાન વિભાગના લેટેસ્ટ અપડેટ : ગુજરાતમાં ફરી ભારેથી અતિભારે વરસાદનો રાઉન્ડ આવશે

Ambalal Patel Monsoon Prediction : ગુજરાતમાં ચોમાસું ફરી એક્ટિવ થયું છે. ગુજરાતમાં ભારેથી અતિભારે વરસાદનો વધુ એક રાઉન્ડ આવ્યો છે. જન્માષ્ટમીનાં દિવસે જ રાજ્યનાં મોટા ભાગનાં વિસ્તારોમાં મેઘ મહેર થતા લોકોએ અસહ્ય બફારાથી રાહત મેળવી હતી. આજે પણ ગુજરાતમાં વરસાદની આગાહી છે. ખાસ કરીને દક્ષિણ ગુજરાતમાં વરસાદની હવામાનની આગાહી છે. આજે સુરત, વલસાડ, નવસારી, તાપીમાં વરસાદની આગાહી છે. ડાંગ, દમણ, દાદરાનગર હવેલીમાં વરસાદની આગાહી છે. તો સાથે જ સૌરાષ્ટ્રમાં પણ વરસાદની આગાહી છે. સોમનાથ, અમરેલી, દિવ, રાજકોટમાં વરસાદની આગાહી છે. અમદાવાદમાં પણ વાદળછાયું વાતાવરણ રહેશે. 

હવામાન વિભાગના આંકડા પર નજર કરીએ તો, ગુરુવારે ગુજરાતના 48 તાલુકામાંથી વરસાદ વરસ્યો છે. ત્યારે ખેડા કઠલાલમાં 2 ઈંચ વરસાદ વરસ્યો છે. હવામાન વિભાગ દ્વારા રાજ્યમાં આગામી 4 દિવસ વરસાદને લઇ આગાહી કરવામાં આવી છે. જેમાં ખાસ કરીને હવામાન વિભાગે 23 તાલુકામાં વરસાદની આગાહી કરી છે. જેમાં હળવા વરસાદની આગાહી કરાઇ છે. જેને લઈ હવે ખેડૂતોના ચહેરા પર અનોખી ચમક જોવા મળશે. છેલ્લા કેટલા દિવસો સુધી વરસાદે આરામ લીધા બાદ ગુજરાતમાં ફરી એકવાર મેઘરાજાનું આગમન થશે. 

રાજ્યભરમાં ભારે બફારા બાદ મેઘરાજા આશરે એક મહિના બાદ વરસી રહ્યાં છે. રાજ્યનાં અનેક રાજ્યોમાં વરસાદની ફરી શરૂઆત થવાને લીધે ખેડૂતો આનંદિત થયાં છે એટલું જ નહીં સ્થાનિકોને પણ ગરમીથી રાહત મળતાં હાશકારો અનુભવાયો છે. વડોદરા, અમદાવાદ, ખેડા, મહેસાણા વગેરે જિલ્લાઓમાં વરસાદે આગમન કર્યું છે.