રાતોરાત ફેમસ થયેલાં કમા અંગે માતાએ ખોલ્યું મોટું રહસ્ય, નાનપણમાં કમા વિશે ડોક્ટરે શું કહેલું?

ઝી બ્યૂરો, અમદાવાદઃ લોક ડાયરોએ ભાતિગળ ગુજરાતી સંસ્કૃતિનો એક મહત્ત્વનો ભાગ છે. પહેલાંના સમયમાં જ્યારે ટીવી-રેડિયો કે કોઈપણ પ્રકારના મનોરંજનના સાધનો નહોંતા ત્યારે ગમ્મત સાથે જ્ઞાન અને સાહિત્યની વાતો લોક ડાયરા થકી કરવામાં આવતી હતી. એજ પ્રકારે ભવાઈ પણ આવો જ એક સાહિત્યના આદાન-પ્રદાનનું એક માધ્યમ છે. આજે ટીવી, મોબાઈલ, ઈન્ટરનેટ અને સોશિયલ મીડિયાના જમાનામાં મનોરંજનના અનેકવિધ સાધનો આપણી પાસે છે. જોકે, તેમ છતાંય ગ્રામિણ વિસ્તારોમાં આજેય લોક ડાયરાનું મહત્ત્વ હેમખેમ છે. એજ કારણ છેકે, આપણાં કલાકારો અમરેલીથી લઈને અમેરિકા સુધી લોક ડાયરાના પ્રોગ્રામ કરે છે અને ગુજરાતનું ગૌરવ વધારે છે. સ્વભાવિક રીતે જ આ ડાયરાના કલાકારો પણ એક ફિલ્મી સિતારાઓની જેમ મોભો ધરાવે છે. જોકે, છેલ્લાં કેટલાંક દિવસથી ગુજરાતના એક દિવ્યાંગ વ્યકિતએ લોક ડાયરામાં એવી ધૂમ મચાવી છેકે, દેશ અને દુનિયાભરમાં કરોડો લોકો તેના ચાહક બની ગયા છે.

આ પણ ખાસ વાંચોઃ  બીજા વિશ્વયુદ્ધમાં કોણે ફેંક્યા હતા નારિયેળ બોમ્બ? કઈ રીતે નામ પડ્યું શ્રીફળ? જાણો નારિયેળ વિશે મજાની વાત

અમે વાત કરી રહ્યાં છીએ, લોક ડાયરામાં અનોખા અંદાજમાં ડાન્સ કરીને ધૂમ માચવનારા કમાભાઈની. જાણીતા લોક સાહિત્યકાર અને ડાયરના ફેમસ સ્ટાર એવા કિર્તીદાન ગઢવીનો ડાયરો ચાલી રહ્યો હતો. એવામાં મોજમાં આવી ગયેલાં એક દિવ્યાંગ વ્યક્તિએ સ્ટેટની સામે ડાન્સ કરીને એવી ધૂમ મચાવી કે જોત-જોતામાં તેનો વીડિયો લાખો લોકો સુધી પહોંચી ગયો. હાલમાં જ થોડા સમય પહેલાં કિર્તીદાન ગઢવીનો કાર્યક્રમ ચાલતો હતો. ત્યારે આ કમા નામનો એક દિવ્યાંગ વ્યક્તિ સામાન્ય માણસની જેમ કિર્તીદાન ભાઈ ગઢવી નો કાર્યક્રમ નિહાળતો હતો. અને અચાનક કિર્તીદાનનું ગીત સાંભળીને મોજમાં આવી ગયેલાં કમાએ સૌ કોઈને મોજ કરાવી દીધી. મોજમાં આવીને કમો સ્ટેજની સામે ડાન્સ કરવા લાગ્યો. આ વીડિયો એટલો વાયરલ થયો કે તે ઘેરઘેર જાણીતો બની ગયો.

આ પણ ખાસ વાંચોઃ  બચપન કા પ્યાર! નાની ઉંમરમાં તમારા બાળકોને થઈ ગયો છે પ્રેમ? પેરેન્ટ્સ જરૂર વાંચે આ માહિતી

પહેલીવાર જ્યારે કિર્તીદાન ગઢવીએ કમાને જોયો હતો. ત્યારે તેને 2000ની નોટ પણ આપી હતી. પછી કિર્તીદાન ગઢવીએ આ દિવ્યાંગ વ્યક્તિનું નામ પૂછીને તેનો પરિચળ પણ મેળવ્યો હતો. આજે દરેક જગ્યાએ ગુજરાતમાં લોકડાયરો અને કલાકાર હોય ત્યાં આ કમાભાઈ હાજરી આપવા પહોંચી જાય છે. જ્યારથી કીર્તિદાનભાઈ ગઢવી તેનો હાથ પકડ્યો ત્યારથી કમાભાઈનું જીવન આખું બદલાઈ ગયું. હવે તે જ્યા પણ આવે છે ત્યારે પોતાની સાથે ચાર-ચાર બોડીગાર્ડ રાખે છે.

આ પણ ખાસ વાંચોઃ  New York Streets પર Harnaz Sandhu એ મચાવ્યો કહેર, Miss Universeની અદાઓ પર ચાહકો ફિદા

ઉલ્લેખનીય છેકે, ડાયરામાં ડાન્સના વીડિયો થકી ઘેર-ઘેર જાણીતો બનેલો કમો મૂળ ગુજરાતના સુરેન્દ્રનગર જિલ્લામાં આવેલાં કોઠારિયા ગામનો વતની છે. તેનું સાચુ નામ કમલેશ છે. જોત-જોતામાં કમો હવે એક સેલિબ્રિટી બની ગયો છે. લોકો તેને કમાભાઈ કહીને માન સન્માન સાથે વિવિધ કાર્યક્રમોમાં આવવા માટે આમંત્રણ પાઠવે છે. અને ત્યાં વિવિધ કાર્યક્રમોમાં કમાભાઈને લોકો ઘણાં પૈસા પણ આપે છે. કમાભાઈને જે પણ રૂપિયા મળે છે તે રૂપિયા કમાભાઈ પોતાના ગામમાં આવેલી ગૌશાળામાં દાનમાં આપી દે છે. કમાભાઈના માતા-પિતા પાસેથી એક વિશેષ વાત જાણવા મળી હતી. કમાભાઈના માતા-પિતાએ કહ્યું હતું કે કમો જ્યારે નાનો હતો ત્યારે જ ડોક્ટર કહ્યું હતું કે તેઓ મંદ બુદ્ધિના બાળક છે. તેને ભજનમાં વિશેષ લાગણી જોવા મળશે. અને થયું પણ એવું જ આજે કમાભાઈ ગુજરાતના દરેક ઘરમાં જાણીતા થઈ ગયા છે.