Gujarat Election 2022: કેજરીવાલે ટ્વીટ કરીને કહ્યું; આગામી ચૂંટણીમાં ભાજપનો CMનો ચહેરો કોણ હશે?

Gujarat Election 2022: ગુજરાત વિધાનસભા ચૂંટણી માટે પ્રચાર કરી રહેલા દિલ્હીના મુખ્યમંત્રી અરવિંદ કેજરીવાલે દાવો કર્યો હતો કે રાજ્યમાં આમ આદમી પાર્ટી (AAP) ઝડપથી આગળ વધી રહી છે. આ સાથે તેમણે આજે એક ટ્વીટ કરીને ખળભળાટ મચાવ્યો છે. કેજરીવાલે ટ્વીટમાં કહ્યું કે, ભાજપ ગભરાઈ ગયું છે. શું એ વાત સાચી છે કે ગુજરાતમાં આગામી વિધાનસભાની ચૂંટણીમાં ભાજપ અમિત શાહને સીએમ ચહેરા તરીકે જાહેર કરવા જઈ રહ્યું છે? ભૂપેન્દ્રભાઈ પટેલના કામથી શું ભાજપ નારાજ છે?

ગુજરાતમાં આ વર્ષે વિધાનસભાની ચૂંટણી યોજાવા જઈ રહી છે. ગુજરાતમાં છેલ્લા 27 વર્ષોથી ભાજપ સત્તામાં છે અને મુખ્ય વિરોધ પક્ષ કોંગ્રેસ છે. અહીં આપને આશા છે કે અમે સારી રીતે કામ કરીશું. તેને જોતા આમ આદમી પાર્ટી (AAP)ના રાષ્ટ્રીય કન્વીનર અરવિંદ કેજરીવાલ સતત ગુજરાતની મુલાકાતે આવી રહ્યા છે.

“आप” गुजरात में तेज़ी से बढ़ रही है। भाजपा बुरी तरह बौखलाई हुई है।

क्या ये सच है कि आगामी विधान सभा चुनाव में भाजपा गुजरात में अमित शाह जी को CM चेहरा घोषित करने जा रही है? भूपेन्द्रभाई पटेल के काम से क्या भाजपा भी नाराज़ है?

— Arvind Kejriwal (@ArvindKejriwal) August 4, 2022

તાજેતરમાં આમ આદમી પાર્ટીએ 10 ઉમેદવારોની યાદી જાહેરાત કરી હતી. AAP એ સંકેત આપ્યો છે કે તે ગુજરાતની તમામ 182 વિધાનસભા બેઠકો પર ચૂંટણી લડશે.

સીએમ કેજરીવાલ સતત ગુજરાતના પ્રવાસે
1 ઓગસ્ટના રોજ રાજકોટમાં જાહેર સભાને સંબોધતા તેમણે ભાજપ પર નિશાન સાધ્યું હતું. તેમણે જણાવ્યું હતું કે આજે ગુજરાતની જનતાની સામે બે મોડલ છે. એક તેમનું મોડેલ છે, જેમાં તમને નકલી દારૂ મળશે. જેમાં તમને ભ્રષ્ટાચાર જોવા મળશે, જેમાં તમારા બાળકો આત્મહત્યા કરશે, જેમાં તમામ રેવડી સ્વિસ બેંકોમાં જશે. બીજું અમારું મોડેલ છે, જેમાં તમને મફત વીજળી, સારી શાળાઓ, સારી હોસ્પિટલો અને તમારા બાળકો માટે રોજગાર મળશે અને તમામ રેવાડી તમારી વચ્ચે વહેંચવામાં આવશે.