તંત્ર હજુ પણ નહીં જાગે તો ગુજરાતના નક્શામાંથી ગાયબ થઈ જશે વલસાડનું આ ગામ! દરિયાના પાણી ઘરોમાં ઘૂસ્યા

ઉમેશ પટેલ/વલસાડ: તાલુકાના નાની દાંતી વિસ્તારમાં પ્રોટેક્ષન બોલ કુદાવી દરિયાના પાણી ઘરો તરફ આગળ વધ્યા, રસ્તા ઉપર દરિયાની ભરતીના પાણી વળતા લોકોને હાલાકી સ્થાનિક લોકોએ વારંવાર જિલ્લા કલેક્ટર અને મુખ્ય મંત્રીને વારંવાર રજુઆત કરવા છત્તા કોઈ કાર્ય અહીં નહીં. વિધાનસભાની સામાન્ય ચૂંટણી પહેલા પ્રોટેક્ષન વોલના કામનું ભૂમિપૂજન કરવામાં આવ્યું હતું. 

વલસાડ તાલુકાના દરિયા કિનારે આવેલ નાની દાંતી દરિયા કિનારે ભારે પવન સાથે ભરતી આવી હતી. જેને લઈને નાની દાંતી દરિયા કિનારે ભરતીની અસર જોવા મળી રહી છે. અરબી સમુદ્રમાં લો પ્રેસર સર્જવવાને લઈને દાંતી અને નાની દાંતી સહિતના દરિયા કિનારે ભારે અસર જોવા મળી રહી છે. દરિયા કિનારે ભરતીના પાણી પ્રોટેક્ષન વોલ ઓળંગી લોકોના ઘરમાં ભરતીના પાણી ઘુસ્યા હતા. જેને લઈને ભારે તારાજી મચાવી છે. 

મોટી દાંતી પ્રાથમિક શાળા ના કમ્પાઉન્ડમાં ભરતીના પાણી ફરી વળ્યાં હતા. જેને લઈને શાળામાં અભ્યાસ કરતા વિદ્યાર્થીઓને શાળામાંથી રજા આપવામાં આવી હતી. જેને લઈને સ્થાનિક લોકો દ્વારા દરિયા કિનારે પ્રોટેક્ષન વોલ બનાવવા માંગ કરી રહ્યા છે. ગત વિધાનસભાની ચૂંટણી પહેલા 34 કરોડના ખર્ચે એક પ્રોટેક્ષન વોલ મંજુર કરીને ભૂમિપૂજન પણ કરવામાં આવ્યું હતું. તેમાં કોઈ કામગીરી ન થતા સ્થાનિક લોકોમાં સરકાર પ્રત્યે નારાજગી જોવા મળી હતી. 

અરબી સમુદ્રમાં સર્જાયેલા લો પ્રેસરને લઈને દરિયા કિનારે ભારે પવન સાથે ભરતી આવતા દરિયામાં કરંટ જોવા મળ્યો હતો. વલસાડ તાલુકાના દરિયા કિનારે આવેલ નાની દાંતી ગામ ખાતે ભારે અસર જોવા મળી હતા. મોટી દાંતી અને નાની દાંતી ગામ કિનારે બનાવેલી પ્રોટેક્ષન વોલ ઓળંગીને દરિયાની ભરતીના પાણી ગામમાં ઘુસ્યા હતા. વલસાડ તાલુકાના મોટી દાંતી અને નાની દાંતીના સ્થાનિક લોકોએ વલસાડ જિલ્લા કલેક્ટર અને મુખ્ય મંત્રીને પ્રોટેક્ષન વોલ બનાવવા માટે વારંવાર રજુઆત કરી હતી. 

સ્થાનિક અગ્રણીઓ દ્વારા ચાલુ વર્ષે પણ ગાંધીનગર સુધી મંત્રીઓ અને મુખ્ય મંત્રીને ફરી રજુઆત કરી ચુક્યા છે. વહીવટી તંત્ર દ્વારા પોટેક્સન વોલ બાબતે કોઈ કાર્યવાહી કરવામાં ન આવતા સ્થાનિક લોકોએ ભારે હાલાકીનો સામનો કરવો પડ્યો હતો. આજે ભરતીના પાણી પ્રોટેક્ષન વોલ કૂદી ગામમાં આવતા સ્થાનિક અગ્રણીઓની ચિંતામાં વધારો થયો છે.