પોલીસ કમિશ્નર તરીકે રાજેન્દ્ર બ્રહ્મભટ્ટે ચાર્જ સંભાળ્યો, કાયદો વ્યવસ્થા જળવાય જરૂરી

વડોદરા : વડોદરા નવ નિયુક્ત પોલીસ કમિશ્નર રાજેન્દ્ર બ્રહ્મભટ્ટ આજે વિધિવત્ત ચાર્જ સંભાળ્યો છે. આર.બી બ્રહ્મભટ્ટે જણાવ્યું કે, વડોદરા મારા માટે નવું શહેર છે, પરંતુ વડોદરાના તત્કાલિન પોલીસ કમિશ્નરે કાયદો અને વ્યવસ્થા જાળવવા માટે જે પગલા ભરી રહ્યા હતા. તે ચાલુ રાખીશ અને અને ગુનાખોરીનેઅંકુશમાં રાખવા માટે કડક કાર્યવાહી કરવામાં આવશે. ઉલ્લેખનીય છે કે, છેલ્લા 10 મહિનાથી તે સુરત શહેર પોલીસ કમિશ્નર તરીકે ફરજ બજાવી રહ્યા હતા. 

રાજ્યના પોલીસ વડા તરીકે આશિષ ભાટીયાની નિમણુંક થયા બાદ તેઓએ 74 IPS અધિકારીઓની સામૂહિક બદલીઓના હુકમ થયા હતા. જેમાં વડોદરાના પોલીસ કમિશ્નર તરીકે સુરત શહેરના પોલીસ કમિશ્નર આર.બી બ્રહ્મભટ્ટની નિમણુંક કરવામાં આવતા આજે તેઓએ વિધિવત્ત ચાર્જ સંભાળ્યો છે. વડોદરાના નવનિયુક્ત પોલીસ કમિશ્નર 1995 બેચના આઇપીએસ અધિકારી છે. 

ચાર્જ સંભાળવા માટે વડોદરા આવી પહોંચેલા રાજેન્દ્ર બ્રહ્મભટ્ટનું પોલીસ ભવન કેમ્પસમાં સલામી આપીને સ્વાગત કરવામાં આવ્યું હતું. આ સાથે પોલીસ કમિશ્નર અનુપમસિંહ ગેહલોતે પુષ્પગુચ્છ આપીને સ્વાગત કર્યું હતું. આ સાથે અન્ય ઉચ્ચ પોલીસ અધિકારીઓએ પણ તેઓનું સ્વાગત કર્યું હતું. વડોદરાની કમાન સંભાળવા બદલ શુભેચ્છા પાઠવી હતી. 

વડોદરા પોલીસ કમિશ્નર તરીકેનો ચાર્જ સંભાળનાર આર.બી બ્રહ્મભટ્ટે જણાવ્યું કે, વડોદરા શહેરમાં મારા માટે નવું છે પરંતુ કાયદો અને વ્યવસ્થા જાળવવા માટે કેવા પગલા ભરવા જોઇએ તે મારા માટેનવું નથી. પોલીસ કમિશ્નર અનુપસિંહ ગેહલોતે જે પગલા ભર્યા હતા. તે પ્રમાણે હું કાર્યવાહી ચાલુ રાખીશ. વડોદરા શહેરના લોકોની સુરક્ષા માટે જે પણ પગલા ભરવાના થશે, તે હું ભરીશ. ગુનાખોરીને અંકુશમાં રાખવા માટે જે કડક કાર્યવાહી કરવાની પડશે તે કરીશું. હું આશા રાખુ છુ કે, વડોદરાના લોકોનો સહકાર મને મળતો રહે તેવી અપેક્ષા.