રાષ્ટ્રીય સ્વયંસેવક સંઘની અખિલ ભારતીય સમન્વય બેઠક યોજાશે

અમિત રાજપૂત, અમદાવાદ: રાષ્ટ્રીય સ્વયંસેવક સંઘ અને વિવિધ સમવિચારી સંગઠનોની સમન્વય બેઠક વર્ષમાં બે વાર યોજાય છે. આ જ ક્રમમાં આ વર્ષે ત્રણ દિવસીય અખિલ ભારતીય સમન્વય બેઠક 5 થી 7 જાન્યુઆરી દરમિયાન કર્ણાવતી મહાનગરમાં યોજાનાર છે.

કર્ણાવતી ડેન્ટલ કોલેજ, ઉવારસદ ખાતે 5 જાન્યુઆરી થી 7 જાન્યુઆરી સુધી યોજાનારી આ બેઠકમાં સરસંઘચાલક મોહનજી ભાગવત, સરકાર્યવાહ ભય્યાજી જોશી અને સંઘના અખિલ ભારતીય કાર્યકારિણીના સદસ્યો હાજર રહેશે. આ બેઠકમાં સમાજજીવનના વિવિધ ક્ષેત્રોમાં કાર્યરત સમવિચારી સંગઠનોના  પદાધિકારી પણ ઉપસ્થિત રહેશે અને વિવિધ વિષયો પર ચર્ચા કરશે.