કાઠિયાવાડી યુવક ઈંગ્લેન્ડની લાડી લાવ્યો.... રાજકોટવાસીઓએ આ રીતે કર્યુ વહુનુ સ્વાગત

Valentine Day : આજે પ્રેમનો દિવસ. વેલેન્ટાઈન ડે પર હવે નવો ટ્રેન્ડ જોવા મળી રહ્યો છે. આ દિવસે લોકો પોતાના લગ્ન, સગાઈના પ્રસંગો રાખતા હોય છે, જેથી યાદગાર પળ સાથે આ દિવસ ઉજવી શકાય. રાજકોટમાં રવિવારે એક કપલની સગાઈ વિધિ યોજાઈ. જેમાં રાજકોટના યુવકે ઈંગ્લેન્ડની યુવતી સાથે સગાઈથી જોડાયા છે. ત્યારે વેલેન્ટાઈન ડે પર રાજકોટના આ યુનિક કપલની સંબંધોની ચર્ચા થઈ રહી છે.

રાજકોટના યુવકને સાત સમુંદર પાર ઈંગ્લેન્ડની રહેવાસી ઈલી હીચિંગ સાથે પ્રેમ થયો. ઈલી હીચિંગ ભારતીય પરંપરાથી એટલી ઈમ્પ્રેસ થઈ ગઈ કે, તે પોતાના પરિવારને લઈને રાજકોટના કિશન સાથે પરણવા આવી હતી. રાજકોટની હોટલમાં કિશન વૈદ્ય અને ઈંગ્લેન્ડની ઈલી હીચિંગની ધામધૂમથી સગાઈ યોજાઈ હતી. 

આ પણ વાંચો : 

ઈલી પોતાના પરિવાર સાથે લગ્ન કરવા રાજકોટ પહોંચી છે. ઈલી અને કિશન યુકેમાં અભ્યાસ દરમિયાન મળ્યા હતા, જ્યાં બંનેને એકબીજા માટે પ્રેમ થઈ ગયો હતો. વાત માત્ર બે જ્ઞાતિ નહિ, પંરતુ અલગ અલગ દેશ, અલગ અલગ રહેણીકરણી, ભાષાની હતી. પરંતું ઈલીએ પોતાના માતાપિતાને મનાવી લીધા, અને તે માતાપિતા સાથે અહી આવી પહોંચી હતી.

તો બીજી તરફ, રાજકોટમાં વસતા કિશન વૈદ્યના માતાપિતાએ પણ મોકળું મન રાખીને વિદેશી વહુ માટે સહમતી દર્શાવી હતી. આખા પરિવારે ઈલી અને તેના પરિવારનું સ્વાગત કર્યુ હતું.   

આ પણ વાંચો :