સુરતમાં 10 વર્ષની બાળકી પર દુષ્કર્મ; પોલીસને મોટી સફળતા, જાણો આરોપીએ કેવી રીતે આપ્યો હતો અંજામ

સંદીપ વસાવા/માંગરોળ: અપહરણ અને દુષ્કર્મના આરોપીને કોસંબા પોલીસે ગણતરીના દિવસોમાં ઝડપી પાડ્યો છે. ગત 9 તારીખના રોજ માંગરોળ તાલુકાની GIDCમાં એક ઘટના બની હતી. જેમાં ટ્રાન્સપોર્ટ ટેમ્પો ડ્રાયવરે પડાવમાં સુતેલી બાળકીનું અપહરણ કરી દુષ્કર્મ આચર્યું હતું.

સુરત ગ્રામ્યની કોસંબા પોલીસ અપહરણ દુષ્કર્મના ગુનામાં મોટી સફળતા હાથ લાગી છે. કોસંબા પોલીસે આરોપીને ઝડપી પાડ્યો છે. 9 તારીખના રોજ માંગરોળ ના પાનસરા GIDCમાં ઘટના બની હતી. એક ખાનગી ટ્રાન્સપોર્ટનો ટ્રક ડ્રાઇવરે 10 વર્ષીય બાળકીને પડાવમાંથી અપહરણ કરી ગયો અને ત્યારબાદ દુષ્કર્મ આચર્યું હતું. ગંભીર રીતે ઈજાગ્રસ્ત બાળકીને સારવાર અર્થે ખસેડવામાં આવી હતી. 

જોકે પોલીસના હાથે એક ફેકટરીના CCTV ફૂટેજ હાથ લાગયા હતા. જે ફૂટેજ આધારે આરોપીની ઓળખ થઈ હતી. આરોપી મૂળ યુ.પીના વારાણસીનો વિકાસ સયામજીત યાદવ ઉ.વ.24 હોવાનું સામે આવ્યું હતુ. જે બાદ પોલીસે ટેક્નિકલ અને હ્યુમન ઇન્ટેલિજન્સ અને બાતમી આધારે કોસંબા પોલીસે દુષ્કર્મના આરોપીને ઝડપી પાડી વધુ કાર્યવાહી હાથધરી હતી.