Vehicle Scraping Policy: PM મોદી આજે ગાંધીનગરમાં રોકાણકાર સમિટને સંબોધશે

ગાંધીનગર: પ્રધાનમંત્રી નરેન્દ્ર મોદી (Narendra Modi) 13 ઓગસ્ટ 2021 ના ​​રોજ સવારે 11 વાગ્યે વીડિયો કોન્ફરન્સિંગ દ્વારા ગુજરાતમાં રોકાણકાર સમિટને સંબોધિત કરશે. સ્વૈચ્છિક વાહન-ફ્લીટ આધુનિકીકરણ કાર્યક્રમ અથવા વાહન સ્ક્રેપિંગ નીતિ ( Vehicle scraping policy) હેઠળ વાહન સ્ક્રેપિંગ ઈન્ફ્રાસ્ટ્રક્ચર સ્થાપવા માટે રોકાણને આમંત્રણ આપવા માટે આ સમિટનું આયોજન કરવામાં આવી રહ્યું છે. તે સંકલિત સ્ક્રેપિંગ હબના વિકાસ માટે અલંગ ખાતે શિપ બ્રેકિંગ ઉદ્યોગ દ્વારા પ્રસ્તુત સમન્વય પર પણ ધ્યાન આકર્ષિત કરશે.

માર્ગ પરિવહન અને રાજમાર્ગ મંત્રાલય અને ગુજરાત સરકાર (Gujarat Government) દ્વારા સમિટનું આયોજન કરવામાં આવી રહ્યું છે. તે ગુજરાતના ગાંધીનગર (Gandhinagar) માં યોજાશે અને તેમાં સંભવિત રોકાણકારો, ઉદ્યોગ નિષ્ણાતો અને સંબંધિત કેન્દ્ર અને રાજ્ય સરકારના મંત્રાલયોની ભાગીદારી જોવા મળશે. આ પ્રસંગે કેન્દ્રીય માર્ગ પરિવહન અને રાજમાર્ગ મંત્રી અને ગુજરાતના મુખ્યમંત્રી પણ ઉપસ્થિત રહેશે.

વાહન સ્ક્રેપિંગ નીતિનો ( Vehicle scraping policy) ઉદ્દેશ પર્યાવરણને અનુકૂળ અને સલામત રીતે અયોગ્ય અને પ્રદૂષિત વાહનોને તબક્કાવાર દૂર કરવા માટે ઇકો-સિસ્ટમ બનાવવાનો છે. નીતિ સમગ્ર દેશમાં ઓટોમેટેડ ટેસ્ટિંગ સ્ટેશનો અને રજિસ્ટર્ડ વ્હીકલ સ્ક્રેપિંગ સુવિધાઓના રૂપમાં સ્ક્રેપિંગ ઈન્ફ્રાસ્ટ્રક્ચર બનાવવા માગે છે.