ઠંડીમાં ‘આવા’ લોકોના શરીરમાં સૌથી પહેલા પ્રવેશે છે સ્વાઈન ફ્લૂના વાયરસ

ગુજરાત : દેશના લગભગ અડધાથી વધુ રાજ્યો કાતિલ ઠંડીની આગોશમાં છે. ત્યારે ઉત્તર ભારત સહિત ગુજરાતમાં પણ સ્વાઈન ફ્લૂનો કહેર વધ્યો છે. વાયરસથી થનારી આ બીમારી અંગે જો લાપરવાહી બતાવાય તો તે ગંભીર રૂપ અપનાવી લે છે. પરંતુ સારી વાત એ પણ છે કે, જો તેનો યોગ્ય સમયે ઈલાજ થાય તો તેનાથી બચી શકાય છે. જેમ જેમ ઠંડીનો કહેર વધે છે, તેમ સ્વાઈન ફ્લૂના દર્દી વધી રહ્યા છે. ત્યારે તમારા માટે એ જાણી લેવું જરૂરી છે કે, કયા પ્રકારના લોકોમાં સ્વાઈન ફ્લૂનો વાયરસ સૌથી પહેલા પ્રવેશે છે. 

આવી રીતે ફેલાય છે 
સ્વાઈન ફ્લૂનું સંક્રમણ વ્યક્તિને સ્વાઈન ફ્લૂના દર્દીના સંપર્કમાં આવવાથી થાય છે. આ રોગથી પ્રભાવિત વ્યક્તિને સ્પર્શ કરવું, તેને હાથ લગાવવું, તેના છીંકવા, ખાંસવા કે પીડિત વ્યક્તિઓના સંપર્કમાં આવવાથી સ્વાઈન ફ્લૂથી અન્ય વ્યક્તિ ગ્રસ્ત થાય છે. ખાંસવા, છીંકવા કે આમને-સામને નિકટથી વાતચીત કરતા સમયે રોગીથી સ્વાઈન ફ્લૂના વાયરસ બીજા વ્યક્તિના શ્વાસમાં પ્રવેશે છે. અનેક લોકોમાં આ સંક્રમણ બીમારીનું રૂપ નથી લેતી, અથવા અનેકવાર શરદી, ખાંસી અને ગળામાં ખારાશ સુધી સીમિત રહે છે.

આ લોકોને છે વધુ ખતરો

• એવા લોકો જેમની ઈમ્યુન સિસ્ટમ નબળી છે, જેમ કે વૃદ્ધો, બાળકો, ડાયાબિટીસ કે એચઆઈવીથી ગ્રસ્ત લોકો
• દમ અને બ્રોન્કાઈટીસના દર્દીઓ
• નશો કરનાર વ્યક્તિ
• કુપોષણ, એનીમિયા કે અન્ય ક્રોનિક બીમારીઓથી પ્રભાવિત લોકો
• ગર્ભવતી મહિલાઓ તેની ઝપેટમાં જલ્દી આવે છે. આવી મહિલાઓમાં ચેપથી મૃત્યુ સુધી પણ પહોંચે છે. 

લક્ષણો

• તાવ આવવો
• ખાંસી આવવી
• ગળામાં તકલીફ થવી
• શરીરમાં દર્દ થવું
• માથુ દર્દ અને કમકમાટી અનુભવાવી
• નબળાઈ લાગવી
• કેટલાક લોકોને ઉલટી પણ થાય છે