મહારાષ્ટ્ર: BJPએ બહાર પાડ્યું સંકલ્પ પત્ર, જ્યોતિબા ફૂલે-સાવરકરને ભારત રત્ન આપવાની માંગ

મુંબઈ: મહારાષ્ટ્ર વિધાનસભા ચૂંટણી માટે ભાજપે સંકલ્પ પત્ર બહાર પાડ્યો છે. સંકલ્પ પત્રમાં ભાજપે મહાન સમાજ સુધારક જ્યોતિબા ફૂલે, સાવિત્રીબાઈ ફૂલે અને વીર સાવરકરને બારત રત્ન આપવાની માગણી કરી છે. આ ઉપરાંત સંકલ્પ પત્રમાં એક કરોડ લોકોને રોજગાર આપવાની, 2022 સુધીમાં પ્રત્યેક ઘરને પીવાનું શુદ્ધ પાણી ઉપલબ્ધ કરાવવાની અને ખેડૂતોને 12 કલાક વીજળી આપવા જેવા અનેક લોભામણા વચનો જનતાને અપાયા છે. 

આ અવસરે ભાજપના કાર્યકારી અધ્યક્ષ જેપી નડ્ડાએ કહ્યું કે આ સંકલ્પ પત્ર ફક્ત એક પત્ર નથી પરંતુ ખુબ ઊંડાણપૂર્વક બનાવવામાં આવેલ પત્ર છે. બધાનો સાથ, બધાનો વિકાસ અને બધાનો વિશ્વાસ આ સંકલ્પ પત્રનો આત્મા છે. 

જુઓ LIVE TV

સંકલ્પ પત્રના પ્રમુખ વાયદા...
- આવનારા પાંચ વર્ષોમાં એક કરોડ નોકરીઓનું નિર્માણ કરીશું. 
- આવનારા 5 વર્ષોમાં કૃષિમાં વપરાતી વીજળીને સૌર ઉર્જા પર આધારિત કરીને ખેડૂતોને દિવસમાં 12 કલાક વીજળી ઉપલબ્ધ કરાવીશું. 
- 2022 સુધીમાં પ્રત્યેક ઘરમાં પીવાનું શુદ્ધ પાણી ઉપલબ્ધ કરાવીશું, મૂળભૂત સુવિધાઓ માટે કેન્દ્ર સરકારના સહયોગથી 5 લાખ કરોડ રૂપિયા રોકાણ કરીશું. 
- આવનારા 5 વર્ષોમાં મહારાષ્ટ્રને દુષ્કાળ મુક્ત કરીશું. 
- પશ્ચિમથી વહેનારી નદીઓના પાણીને ગોદાવરીની ઘાટીમાં રોકીને મરાઠાવાડા અને ઉત્તર મહારાષ્ટ્રના દુષ્કાળગ્રસ્ત ભાગોમાં પહોંચાડીશું. 
- 2022 સુધીમાં પ્રત્યેક ઘરને પીવાનું શુદ્ધ પાણી ઉપલબ્ધ કરાવીશું. 
- મુખ્યમંત્રી ગ્રામ સડક યોજનાના માધ્યમથી બધી વસ્તીઓને 12 મહિના સુધી ખુલ્લી રહેતી સડકો સાથે જોડવામાં આવશે. 
- ગ્રામ સડક યોજનાના બીજા તબક્કાના માધ્યમથી 30,000 કિમીની ગ્રામીણ સડકોનું નિર્માણ કરીશું. 
- ભારત નેટ અને મહારાષ્ટ્ર નેટના માધ્યમથી સંપૂર્ણ મહારાષ્ટ્રને ઈન્ટરનેટથી જોડીશું.