છત્તીસગઢ: બીજાપુરમાં નક્સલવાદીઓનો હૂમલો, 2 જવાન શહીદ

બીજાપુર : સરકાર નક્સલવાદીઓનાં ખાત્મા માટે પ્રયાસ કરી રહી છે પરંતુ જેવું લાગે છે કે નક્સલવાદીઓ અંત તરફ છે, કોઇને કોઇ સ્થળે મોટો હૂમલો કરે છે. બીજાપુરનાં કુટરૂમાં સોમવારે નક્સલવાદીઓએ આઇઇડી વિસ્ફોટમાં જિલ્લા રિઝર્વ ગાર્ડ (ડીઆરજી)નાં જવાનોની ભરેલી બસને ઉડાવી દીધી હતી.આ હૂમલામાં બે જવાનો શહિદ થઇ ગયા હતા અને પાંચ ગંભીર રીતે ઘાયલ થઇ ગયા હતા. મળતી માહિતી અનુસાર વિસ્ફોટ બાદ નક્સલવાદીઓએ ફાયરિંગ પણ કર્યું હતું. 

#SpotVisuals 2 security personnel dead, 5 injured in IED attack on police party vehicle near Bijapur's Kutru: DM Awasthi, special DG, anti-naxal operations #Chhattisgarh (Visuals deferred by unspecified time) pic.twitter.com/XcfEIQ5h9B

— ANI (@ANI) April 9, 2018

ઉલ્લેખનીય છે કે, સોમવાર સવારથી નક્સલવાદીઓ આશરે 10 સ્થળો પર સીરિયલ બ્લાસ્ટ કર્યા હતા. આ બ્લાસ્ટમાં સવારે એક જવાન ઘાયલ થઇ ગયો હતો. અત્રે ઉલ્લેખનીય છે કે, આ હૂમલાને વડાપ્રધાન નરેન્દ્ર મોદીનાં 14 એપ્રીલનાં પ્રસ્તાવિત કાર્યક્રમ સાથે જોડીને પણ જોવામાં આવી રહ્યો છે. 14 એપ્રીલે વડાપ્રધાન મોદી પોતાનાં પ્રવાસમાં દેશ સમક્ષ પોતાનું રિપોર્ટકાર્ડ રજુ કરવાનાં છે. સાથે જ કેન્દ્ર સરકાર દ્વારા દલિતો અને પછાત વર્ગનાં લોકો માટે ચાલુ કરવામાં આવેલી યોજના અંગે પણ જણાવશે. 

Chhattisgarh: Security personnel injured in the IED attack on police party admitted to hospital. 2 security personnel lost their lives and 5 were injured in the attack. pic.twitter.com/FCcA0nbCLK

— ANI (@ANI) April 9, 2018

નક્સલી મુદ્દે સ્પેશ્યલ ડીજીડીએમ અવસ્થીએ જણાવ્યું કે, કુટરૂની પાસે આઇઇડી દ્વારા વિસ્ફોટ થયો. હૂમલા પાછળ નક્સલવાદીઓનો જ હાથ છે. વિસ્ફોટમાં ડીઆરજીનાં બે જવાન શહીદ થઇ ગયા હતા અને પાંચ ઘાયલ થયા હતા. તેમણે જણાવ્યું કે, ઘાયલ જવાનોની સારવાર કરવામાં આવી રહી છે. અત્રે ઉલ્લેખનીય છે કે, સુકમામાં રવિવારે નક્સલવાદીઓએ જિલ્લા મુખ્યમથખ સોઢીપારામાં બડ્ડેસેટ્ટી પંચાયતનાં સરપંચ કલમું હુંગાની હત્યા કરી દીધી હતી. મળતી માહિતી અનુસાર 6 અજાણ્યા લોકોએ ઘટનાને પાર પાડી હતી. ડીઆરજી પ્રદેશ પોલીસ દળનો હિસ્સો છે.