Coronavirus સામે જંગમાં ભારતને મળશે વધુ 5 વેક્સીન, ડિસેમ્બર સુધી તૈયાર થશે 2 અબજ રસી

કોરોના વાયરસ (Coronavirus) સામેના જંગમાં ભારતને ટૂંક સમયમાં 5 અન્ય વેક્સીનની મદદ મળવાની છે. ભારત સરકારે કુલ 8 રસીઓની સંભવિત સૂચિ રજૂ કરી છે. ભલે કોવિશિલ્ડ અને કોવેક્સીનની મદદથી રસીકરણ અભિયાન ચલાવવામાં આવી રહ્યું છે

Updated By: May 14, 2021, 08:32 PM IST
Coronavirus સામે જંગમાં ભારતને મળશે વધુ 5 વેક્સીન, ડિસેમ્બર સુધી તૈયાર થશે 2 અબજ રસી

નવી દિલ્હી: કોરોના વાયરસ (Coronavirus) સામેના જંગમાં ભારતને ટૂંક સમયમાં 5 અન્ય વેક્સીનની મદદ મળવાની છે. ભારત સરકારે કુલ 8 રસીઓની સંભવિત સૂચિ રજૂ કરી છે. ભલે કોવિશિલ્ડ અને કોવેક્સીનની મદદથી રસીકરણ અભિયાન ચલાવવામાં આવી રહ્યું છે, પરંતુ ટૂંક સમયમાં અન્ય રસી લોકોને આપવાની શરૂ થશે. આ જ કારણ છે કે આરોગ્ય મંત્રાલયે કહ્યું છે કે આ વર્ષે ડિસેમ્બર સુધીમાં 2 અબજથી વધુ રસીના ડોઝ ભારતમાં ઉપલબ્ધ થશે.

1. રશિયાની કોરોના રસી સ્પુટનિક વી
નીતી આયોગના સભ્ય ડો. વી.કે. પૌલે ગુરુવારે એક પ્રેસ કોન્ફરન્સમાં કહ્યું હતું કે રશિયન રસી સ્પુટનિક-વી આવતા અઠવાડિયે ભારતીય બજારોમાં ઉપલબ્ધ થશે. સરકાર આગામી સમયમાં આ ત્રણ રસીઓ ઉપરાંત જે 5 રસી તૈયાર થવાની અપેક્ષા કરી રહી છે તેમાંથી ચાર વેક્સીન મેડ ઇન ઇન્ડિયા છે. ચાલો જાણીએ તેમના વિશે...

આ પણ વાંચો:- Cyclone Tauktae: કેરળ, કર્નાટક, ગુજરાત અને મહારાષ્ટ્રમાં રેડ એલર્ટ, NDRF ની ટીમ તૈનાત

2. બાયોલોજિકલ ઇ સબ્યુનિટ રસી
મંત્રાલયના જણાવ્યા અનુસાર, બાયોલોજિકલ ઇ સબ્યુનિટ એક સબ્યુનિટ રસી છે, જે પરીક્ષણના ત્રીજા તબક્કામાં છે. આ રસી પ્રથમ અને બીજા તબક્કાના પરીક્ષણોમાં સલામત હોવાનું જાણવા મળ્યું છે. સરકાર આ રસી અંગે ખૂબ જ આશાવાદી છે. કેન્દ્રને આશા છે કે ઓગસ્ટથી ડિસેમ્બરની વચ્ચે આ રસીના 30 કરોડ ડોઝ મળે, પરંતુ જો તેની મંજૂરી મળે તો.

આ પણ વાંચો:- સરકારની ચેતવણી: ભારતમાં CORONA નો પીક આવાનો હજી બાકી, ફરી ઉભરી શકે છે મહામારી

3. ઝાયડસ કેડિલા ડીએનએ રસી
ઝાયડસ કેડિલાની આ રસી તેના ત્રીજા તબક્કાના ટ્રાયલમાં છે અને કંપની ટૂંક સમયમાં ભારતમાં તેના લાઇસન્સ માટે અરજી કરશે. તે ત્રણ ડોઝ સાથેની એક રસી છે અને ઈન્જેક્શન ફ્રી ટેક્નોલોજી દ્વારા આપવામાં આવશે. સરકારને ડિસેમ્બર સુધીમાં ઝાયડસ કેડિલા રસીના 5 કરોડ ડોઝ મળવાની આશા છે.

આ પણ વાંચો:- કેરળમાં એક વ્યક્તિએ સેક્સ માટે માગ્યો ઈ-પાસ, પોલીસ તે શખ્સના ઘરે પહોંચી અને...

4. નોવાવેક્સ અથવા કોવાવેક્સ
આ રસી સીરમ ઇન્સ્ટિટ્યૂટ ઓફ ઇન્ડિયા (SII) દ્વારા ભારતમાં પણ બનાવવામાં આવશે. આ રસી અમેરિકન કંપની નોવાવેક્સ દ્વારા વિકસાવવામાં આવી છે. આ સાથે, પુણેની જેનોઆ બાયોફર્માસ્ટિકલ્સ કંપની મેસેંજર આરએનએ રસી (mRNA) પણ વિકસાવી રહી છે. ફાઇઝર અને મોર્ડન પણ mRNA રસી પણ છે.

આ પણ વાંચો:- Corona નો કહેર ઓછો થઈ રહ્યો છે! સતત ત્રીજા દિવસે નવા કેસ કરતા વધારે લોકો થયા સાજા

5. ભારત બાયોટેકની નેઝલ રસી
ભારત બાયોટેક (Bharat Biotech) કંપની હાલમાં નાક દ્વારા આપવામાં આવતી નેઝલ રસી પર કામ કરી રહી છે. તે એક માત્ર રસી હશે જે નાક દ્વારા લેવામાં આવશે. હાલમાં, આ રસીના પ્રથમ અને બીજા તબક્કાઓ ચાલુ છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube