ગજબ...પાળતુ શ્વાનના જન્મદિવસની ઉજવણીમાં 4000 લોકોને જમાડ્યા, 100 કિલોની કેક કાપી

પાળતુ પ્રાણી પ્રત્યે લોકોને એક ખાસ આકર્ષણ હોય છે. એવા કેટલાય કિસ્સા સામે આવ્યા છે જ્યારે લોકોએ પોતાના પ્રાણી પ્રેમમાં પાળેલા પ્રાણીઓ પાછળ માતબાર ખર્ચા કર્યા હોવાનું સામે આવ્યું છે. ક્યારેક એવા લોકો પણ જોવા મળે છે કે જેઓ પોતાનું ઊંચુ સ્ટેટસ જાળવવા માટે પાળતુ પ્રાણી પાછળ જંગી ખર્ચા કરી નાખે છે. પણ કર્ણાટકથી એક એવો બનાવ સામે આવ્યો છે જે જાણીને તમે દંગ રહી જશો. જ્યાં બેલાગાવી જિલ્લામાં એક ગામમાં પોતાના પાળતુ શ્વાનનો જન્મદિવસ ઉજવવા માટે એક વ્યક્તિએ અધધધ..ખર્ચો કરી નાખ્યો. 

બેલાગાવીના મુદાલગી તાલુકાના તુકનાતી ગામમાં ગત બુધવારે એક પાળતુ શ્વાનના માલિક શિવપ્પાએ પોતાના પાલતુ શ્વાનનો જન્મદિવસ એટલો શાનદાર રીતે ઉજવ્યો કે જેણે જોયું તે દંગ રહી ગયા. જન્મદિવસની ઉજવણીમાં સમગ્ર ગામના 4000 જેટલા લોકોને ભોજન માટે આમંત્રણ અપાયું હતું. આ ઉપરાંત બર્થડે ઉજવણીમાં 100 કિલોની એક કેક પણ કાપવામાં આવી. શ્વાનના જન્મદિવસની ઉજવણીના પ્રસંગે એક શાનદાર ડીજે પાર્ટીની પણ વ્યવસ્થા કરાઈ હતી. પાળેલા શ્વાનનું નામ છે ક્રિશ. ક્રિશને પણ ખુબ જ શાનદાર અંદાઝમાં તૈયાર કરાયો હતો અને પછી તેણે કેક પણ કાપી. 

100 kg ની કેક અને 4000 લોકોનો જમણવાર રાખી જેનો જન્મદિવસ ઉજવાયો એ 'ક્રિશ' કોણ છે? Video જોતાની સાથે જ તમે સમજી જશો...

કર્ણાટકના #Belagavi જિલ્લામાં એક દંપતિએ તેમના #Dog નો જન્મદિવસ બાળકની જેમ ઉજવ્યો...#ZEE24Kalak #DogBirthday #Karnataka pic.twitter.com/WG8Wc9BiXL

— Zee 24 Kalak (@Zee24Kalak) June 24, 2022

જો કે કેટલાક લોકોએ એક શ્વાનના જન્મદિવસ પર આ રીતે કરાયેલા ખર્ચને ફાલતુ ખર્ચ ગણાવ્યો અને માલિક શિવપ્પાની ટીકા પણ કરી. પણ શિવપ્પાના જણાવ્યાં મુજબ હાલના સમયમાં ક્રિશ તેમના પરિવારનો સભ્ય છે અને ખુબ જ વફાદાર છે. તે ઘરના તમામ લોકોનો ખુબ ખ્યાલ રાખે છે. તે મૂંગુ પ્રાણી છે પણ સમગ્ર પરિવારને તેના પર ભરોસો છે. આ જ કારણ છે કે સમગ્ર પરિવારની સહમતિ બાદ જ તેના જન્મદિવસને ઉજવવાનો નિર્ણય લેવાયો. પાળેલા શ્વાનના જન્મદિવસની ઉજવણીના આ પ્રસંગના વીડિયો અને તસવીરો હાલ સોશિયલ મીડિયા પર ખુબ વાયરલ થઈ રહ્યા છે અને લોકો તેને ખુબ બિરદાવી પણ રહ્યા છે.